Burger Begin (Closed)

紅磡一向多小店黎開試下呢間bookmark 左既立食漢堡店，6款漢堡、3款熱狗，店員都有每款介紹一下，改良左既黃金漢堡，咸蛋黃醬更突出；日式漢堡有wasabi 都好吸引。諗完一輪最後還是點了皇牌鵝肝漢堡，墨西哥漢堡。點完餐可以先喺立食位置用玻璃筆寫下野打吓咭，寫完我個鵝肝burger 就到~ 個包好大份好足料，麵包外層烘熱過，脹卜卜夠香脆。鵝肝夠厚身，一啖咬下鵝肝既油香浸透整個麵包跟牛肉漢堡之間，漢堡都好有質感好juicy，加埋芝士洋蔥更有層次 !  點個墨西哥漢堡輕鬆享受一下以香辣見稱既南美熱情飲食風，單睇餡料夾層既鮮艷色調就經已相當吸引。用料配搭方面，盡情張咀大口食就可以嘆到大量肉碎、幼滑軟香芝士片及甜辣椒籽，尤其厚身肉嫩且Juicy既漢堡更加無得輸! 伴隨底層清爽紫洋蔥同生菜絲，加埋醬汁味道更係帶出輕柔辣而不搶既美味感。薯條有三種味粉，和風紫菜  蒜香辣 同埋我點既檸檬胡椒粉，帶有檸檬清香同埋胡椒香氣，薯條幾粗身，夠香脆。炸芝士都有兩款，不過水牛芝士食得多，呢次試炸金文畢芝士。　金文畢芝士味道較香濃，外層酥脆，内裡香軟滑。一份5件真係唔夠喉，不過太邪惡了