八天堂 (Closed)

日本名店果然名不虛傳，忌廉包拎上手實在而且有份量，唔係食空氣。包身鬆較而且有彈性。栗子味道正路，忌廉確實好滑，無渣。難怪紅豆奶油味係人氣王，真係好好食，凍食不是不可，但加熱真係好食幾倍，加熱後奶油溶成漿，一搣開奶油漿流晒出來，味道似燉蛋味，甜而不膩，紅豆味就唔太濃，走淡香路線。十幾蚊食一個又唔算太貴，但就諗唔出咩理由會返來再食，味道好食但又未至於一定要回頭購買，唯一諗到就係隔離cheese cake factory排隊排到餓就可以買住一兩個來醫肚。餐廳似乎要諗下點樣可以做到成為consumer嘅first choice喇！