泰金國 (Moved) New Location

得閑就走入去九龍城食泰國菜，聽住啲姐姐講泰文，咁又當自己去咗轉泰國啦。泰金國其實都食過好幾次，食物都有水準係係燒物每次嘅水準就會有差別，因為佢即點即燒。冬陰公湯海鮮河$50鍾意點個河粉，又可以飲佢嘅冬陰公又有米線食，冬陰公湯底好有泰式風味，酸辣味湧出來，辣度剛剛好，雖然話係海鮮，有幾粒蝦仔同魷魚，當然呢個價錢就不要求太多。泰式咖喱炒蜆＄128自從上次朋友點左呢個菜之後，一直念念不忘，佢呢碟菜嘅重點係在於佢嘅咖喱，將咖喱厚厚地塗在蒜蓉包上，非常好食，炒蜆份量不少而且每隻都有肉，但對於鍾意食辣嘅人嚟講可能就唔太夠。燒雞翼＄16/1隻雞肉醃的味道剛好，外皮燒得好脆口，但食得出係雪藏雞翼。燒牛肉＄70今次就燒得外皮脆口，入邊嘅肉質依然保持粉紅色，牛肉味重，旁邊嘅醬汁好有泰國風味，今次師傅保持到水準。