鐵板超

Open Now

Now Closed

同男朋友週年紀念日，佢竟然帶我黎呢間高級鐵板燒食好西，勁驚喜！我地兩個叫左個兩人前嘅R餐。前菜係沙律同芥末生八爪魚，清爽新鮮；仲有芝麻魚仔，調味好正好香口。之後鐵板燒師傅show俾我地睇即將會燒嘅食材，全部都好生猛！南非活鮑魚仲keep住郁添～經過師傅嘅巧手燒製，即刻化身為口中嘅美味，口感爽脆，令我地印象十分之深。燒大海蝦更加犀利。師傅嘅鐵板神功出神入化，係鐵板度幫蝦剝殼，燒到啲蝦膏香味四溢，之後品嘗果然肉質彈牙，蝦膏更出色。我地揀咗法國鵝肝，配搭多士同菠蘿食，仲點綴咗啲義大利黑醋，完美balance咗鵝肝嘅肥，心思巧妙。仲有日本A4和牛都不得了，師傅燒緊已聞到飄香，同香脆蒜片同食，我同男友都讚不絕口。師傅仲炒咗個蝦乾蟹子炒飯比我地，果然鐵板度炒鋤犁嘅飯更加粒粒分明，好好食。季節野菜都正爆，尤其係個蓮藕，爽脆又有鐵板燒嘅獨特風味。除此以外，炒雜菜同蜆湯都好味，仲有個雪糕送添！最令我地歎為觀止嘅係師傅係我地食飽之後問我地想畫咩公仔同字，之後竟然徒手係鐵板度畫咗出黎，我地實在係佩服！好多謝師傅之後耐心幫我地影相，wrap up咗好開心嘅一餐。