Diff. Cafe (Closed)

同朋友想試下新café，係荃灣行街見到間純白色嘅舖頭，就入去試試。我自己點左龍脷柳南瓜長通粉（$83，跟沙律）。跟餐既沙律加左好似係士多啤梨醬，甜甜地但自己覺得唔太夾。個南瓜忌廉汁甜甜地，龍脷柳新鮮炸起，熱辣辣好香口，而且切開幾嫩滑，望落份量唔算多，但食完都覺飽。朋友叫嘅鮮茄海鮮意粉（$88，跟湯），佢話都可以，跟餐南瓜湯個味同我叫嘅南瓜汁隻味差唔多。朋友叫嘅Baileys Latte（$30，跟餐飲品），自己叫嘅熱檸水無影到（免費，跟餐飲品）。最後追加左個甜品法式布甸蛋糕（$40），口感軟綿綿幾得意。