Video
Read full review
2022-09-12
1394 views
佐敦呢間cafe 白色嘅外牆感覺好簡潔 令人好舒服😙 諗都唔駛諗就入咗去啦😊我地坐低之後 店鋪係用QR code落單嘅 電子化都幾方便☺️ 不過冇諗到店員會邀請我哋試呢度嘅hidden menu 係兩款將會喺黃埔嘅新分店有得食嘅新菜式😉 新店將會主力推地中海同希臘嘅菜式意大利芝士番茄沙律本身自己幾鍾意食水牛芝士 所以一聽到有得食已經好心心眼😍 主要有番茄 水牛芝士 Basil🌿 三款材料 用簡單嘅鹽 黑椒同橄欖油做調味 鹹鹹地更能帶出番茄嘅清新同芝士嘅香味🧀 香草白酒忌廉煮鮮蝦配希臘麵包呢碟都幾有驚喜 一上碟都聞到有淡淡嘅酒香🍷 白酒忌廉汁好creamy 而且好啱我口味 如果配意粉都一定好正🫢 忌廉汁入面竟然有8隻大蝦🍤 可以每食一片希臘麵包都配一隻蝦🤓 希臘麵包烘到外層都幾香脆 點埋汁 再夾埋隻蝦入去口感好豐富 因為蝦肉好彈牙🙊All Day Breakfast呢個就唔駛等黃埔分店開張都有得食啦 係我都好鍾意喺cafe食嘅菜式 賣相都幾豐富 入面有豬肉腸 炒蛋 薯餅 烤小番茄 芝士大啡菇 煙肉 茄汁豆 多士 黑醋沙律菜🥗 我幾滿意佢個多士 係法包嗰種🥖 不過比較失望嘅係大啡菇只有一半
佐敦呢間cafe 白色嘅外牆感覺好簡潔 令人好舒服😙 諗都唔駛諗就入咗去啦😊
我地坐低之後 店鋪係用QR code落單嘅 電子化都幾方便☺️ 不過冇諗到店員會邀請我哋試呢度嘅hidden menu 係兩款將會喺黃埔嘅新分店有得食嘅新菜式😉 新店將會主力推地中海同希臘嘅菜式
意大利芝士番茄沙律
本身自己幾鍾意食水牛芝士 所以一聽到有得食已經好心心眼😍 主要有番茄 水牛芝士 Basil🌿 三款材料 用簡單嘅鹽 黑椒同橄欖油做調味 鹹鹹地更能帶出番茄嘅清新同芝士嘅香味🧀
香草白酒忌廉煮鮮蝦配希臘麵包
呢碟都幾有驚喜 一上碟都聞到有淡淡嘅酒香🍷 白酒忌廉汁好creamy 而且好啱我口味 如果配意粉都一定好正🫢 忌廉汁入面竟然有8隻大蝦🍤 可以每食一片希臘麵包都配一隻蝦🤓 希臘麵包烘到外層都幾香脆 點埋汁 再夾埋隻蝦入去口感好豐富 因為蝦肉好彈牙🙊
All Day Breakfast
呢個就唔駛等黃埔分店開張都有得食啦 係我都好鍾意喺cafe食嘅菜式 賣相都幾豐富 入面有豬肉腸 炒蛋 薯餅 烤小番茄 芝士大啡菇 煙肉 茄汁豆 多士 黑醋沙律菜🥗 我幾滿意佢個多士 係法包嗰種🥖 不過比較失望嘅係大啡菇只有一半 如果有晒成隻菇就好喇🥲
Green tea latte
賣相幾靚 茶味仲好香㗎🍵 如果鍾意綠茶嘅朋友千萬唔好錯過😺
Flat White
雖然比我想像中嘅flat white咖啡味更濃 但係我都好推介呢杯☕️
好開心可以有幸試hidden menu😙 我幾鍾意佢個香草白酒忌廉煮鮮蝦配希臘麵包 希望黃埔分店快啲開張💛 咁我地就可以再去食啦
Post
