点心代表 (Closed)

之前經過点心代表係臭屁桃呀～一直冇機會食，miss 左。今次經過係蠟筆小新，細個好鍾意小新架，一定要試下。衛生方面要扣分，我個friend 隻碗有達食物漬，叫佢換冇講聲sorry。安格斯牛肉腸粉 $39腸粉係熱辣辣嘅，因為係安格斯牛肉比較矝貴，一條腸粉有三粒牛肉，為免太空洞於是放一點生菜入去，食軟棉棉的腸粉有sok sok 聲的生菜絲，囗感好唔夾。鮮蝦菜苗餃 $29透明皮厚度適中，裡面真係有幾粒蝦，菜苗餃好食！大象朱古力流沙包 $49爭扎左好耐要牛奶定朱古力流沙包。因為覺得大象圖案比較得意，所以叫朱古力流沙包！比牛奶流沙包大少少所以得兩個。皮都幾薄，裡面的朱古力唔係流沙，根本係飲用嘅朱古力咁稀。朱古力都幾濃味嘅，但唔值$49，有點兒貴。黑魚子燒賣皇 $39幾粒黑魚子喺面作點綴，燒賣係蝦肉混魚肉好彈牙，蝦味欠逢，味道淡淡的，不過總算比傳統豬肉燒賣多點新鮮感，還不錯。總括食物唔差，比預期中好，喺中環飲茶這個價錢算過得去。