角落 三二 (Closed)

入大角嘴搵食，朋友推薦一間西式小店。bizi 係澳洲生活過5年，對西式食物都有一定要求。入店內雖不大，但五臟俱全，頗有西方cafe 小店氣息，燈光足夠，唔會亂搞氣氛，專注食物先係最重要。唔好意為店仔細細，但其實一收工就好多客幫襯，好快就滿座。好在今日準時收工衝去。先黎前菜沙津，有沙津醋另外上，唔怕味太濃。再黎炸薯條必需一提，熱辣辣好香脆，配上茄汁及我最愛的tartar sauce, 感覺返左澳洲咁。（最後掛住主菜，薯條涼晒但仍保持到香脆，勁)橙肉焗豬肋骨非常香，一般出面都係烤豬肋骨，第一次見感覺好新鮮。外面一層錫紙包裹住黎焗，完全鎖住肉汁，非常野味。比烤既冇咁油，肉質非常嫩滑。漢堡包係今晚既亮點，面包味香，用料新鮮。漢堡肉應係店內自己打/握制，非常香牛味及鮮嫩，一食難忙。絕對係用心之作。整體係非常滿意，小小的店但比高級/有名餐廳做更用心，味道誠意都滿分。最重要係以咁既質素，價錢卻非常貼地！值得推薦！