大澳榕樹頭

Open Now

Now Closed

揀左閒日去大澳同男朋友一齊STAY 兩日一夜，原本係唔想假日去人又會多又逼，點知星期一好多小店都冇開，連炭燒雞蛋仔都冇開，到最後行行吓見到有哩一間CAFÉ，本來就打算去隔嚟個間SOLO，但係佢人太多我就揀咗哩間，貪佢都有外面可以坐，點知原來得三個位, 然後得2張4人枱係近海邊，不過難得出到嚟就咩都試下啦！叫咗份雞翼、芝士蛋糕同埋咖啡，雞翼熱辣辣又好香口，比想像中好食，而且唔係度度食到個一種香草味，芝士蛋糕都唔錯，好明顯食到有芝士粒，咖啡就中規中矩。以佢個地方大小嚟講，如果閒日去就會適合啲，唔係都幾難等位。