Video
Read full review
2018-08-01
504 views
將軍澳中心嘅日本料理，呢間每次經過都見到大排長龍，一直都想試吓！今日收工就去咗拎位，八點幾都要等成半個鐘先有位入去⋯其實本身都飽飽地，所以淨係帶左幾樣野食。海葡萄野菜豆腐沙律 $68其實係比海葡萄吸引左，食落係鹹香嘅味道，豆腐唔算好嫩，但口感好滑。可惜豆香唔重。不過估唔到佢個份量都唔少！鰻魚串 $20餐牌上面幅圖明明有鰻魚，但係就無鰻魚串嘅價錢，問一問店員原來係有嘅！$20一串。鰻魚好食呀！雖然蒲燒汁味道濃左少少，但係鰻魚嘅鮮味都好突出，肉質肥美，口感嫩滑！金菇牛肉卷 $48睇幅圖好似好吸引，所以都點左一份嚟食。牛肉唔會太肥，捲着金菇嘅份量好足，一開始即刻食會辣親咀！醬汁搭配唔會過鹹！美人鍋 $168呢個係我覺得最好同埋最抵食嘅一款！本身睇餐牌真係以為好似吉野家邊爐咁細，點知勁大爐，好似屋企打邊爐咁大！湯底係真係幾濃郁，又唔會過鹹，入面啲蔬菜索晒啲精華！雞脾肉都幾鮮味，不過記得唔好煮太耐，雞肉會鞋晒，所以自己控制火候都好緊要。最尾連啲湯都飲晒！不過餐牌上面寫話配有雞丸子，其實係乜嘢嚟？我搵唔到呢⋯⋯個鍋同埋牛肉卷係值得食，下次應該會試吓佢啲壽司！但其實呢排隊嘅時候，入面明明都有位，唔知
其實本身都飽飽地，所以淨係帶左幾樣野食。
海葡萄野菜豆腐沙律 $68
其實係比海葡萄吸引左，食落係鹹香嘅味道，豆腐唔算好嫩，但口感好滑。可惜豆香唔重。不過估唔到佢個份量都唔少！
鰻魚串 $20
餐牌上面幅圖明明有鰻魚，但係就無鰻魚串嘅價錢，問一問店員原來係有嘅！$20一串。
鰻魚好食呀！雖然蒲燒汁味道濃左少少，但係鰻魚嘅鮮味都好突出，肉質肥美，口感嫩滑！
金菇牛肉卷 $48
睇幅圖好似好吸引，所以都點左一份嚟食。牛肉唔會太肥，捲着金菇嘅份量好足，一開始即刻食會辣親咀！醬汁搭配唔會過鹹！
美人鍋 $168
呢個係我覺得最好同埋最抵食嘅一款！本身睇餐牌真係以為好似吉野家邊爐咁細，點知勁大爐，好似屋企打邊爐咁大！
湯底係真係幾濃郁，又唔會過鹹，入面啲蔬菜索晒啲精華！雞脾肉都幾鮮味，不過記得唔好煮太耐，雞肉會鞋晒，所以自己控制火候都好緊要。最尾連啲湯都飲晒！不過餐牌上面寫話配有雞丸子，其實係乜嘢嚟？我搵唔到呢⋯⋯
個鍋同埋牛肉卷係值得食，下次應該會試吓佢啲壽司！
但其實呢排隊嘅時候，入面明明都有位，唔知點解唔會安排人入去
Post
