諾亞半熟蛋糕專門店 (Closed)

我諗由諾亞開鋪到而家我都好想試，雖然家住尖沙咀，但去九龍城買都唔多就腳，所以算😂知道西九龍中心有分別，我忍唔住勒👍鋪頭唔難搵，兜兜下就見到（天橋一上入口位就係），最開心既係唔使排隊，但好多人望望下，呢個價位黎講可能唔識諾亞既街坊唔會吸引到，始終$98個卷蛋，連鎖果d類似既只係賣$48/58。因為S先生鐘意食士多啤梨，但又唔鐘意食太水既食物（流心蛋糕佢肯定唔食）所以一早預左買卷。店員真係好有禮貌（可能唔忙）由買到走佢都好用心服務，真少見👍仲好用心教小朋友點用唧唧吉士落泡芙道，真心讚佢👍包裝好得意，個盒係喵喵耳，同埋唧唧吉士個設計真係好得意，大人都覺得好好玩。開動了💪🏻逐part講，蛋糕身真係好棉好鬆軟，但係我最期待反而係中間層cream,係真係好多cream,但點解叫流心？我覺得只係好普通既一堆cream,係好滑身，但唔算特別同唔值$98，今日買到既都唔多草莓😢食落唔覺有草莓味，真係覺得食緊普通卷蛋，唉，失望。泡芙反而好過卷蛋，有得食有得玩，$18個都唔算貴。我鐘意多醬少少，雖然好多好大支，但有少少唔夠....唧到好盡個份量都係咁....好彩唔使排隊，要排隊又食到「原來都係咁」既食物我會