小辣椒 (Closed)

上星期五因為要收帖關係，所以同朋友嚟一試....我哋大概未到七點已經坐低，舖內客人唔多，再打開個meal....真係花多眼眼亂...朋友仔一早話要食口水雞同麻辣餃子，我就要毛三旺同泡椒田雞，之後再見到 酸辣粉...order埋啦，再叫支大青島。口水雞係冷盆，所以好快就嚟，個醬汁濃濃..個味又唔太辣，唔似一般平時食到嗰啲口水雞用稀油浸住，不過就冇咗平時食嘅麻香。麻辣餃子我就覺得麻麻啦，個皮好厚又硬，又唔夠麻辣香，個餡啲豬肉又冇咩特別...可以話食唔到肉味~~.毛三旺係成晚最麻辣一味，裡面有豬紅、豬腰、黃鱔、薯粉同大量大豆芽加金菇，本應仲有牛柏葉，不過我同朋友仔都唔太鍾意食，所以走咗佢....其實呢個係水煮系列，所以都係一貫同大量辣椒，花椒同紅油烹調啦，雖然有麻香，不過個人就鍾意再麻啲，辣度就ok啦....味就不過不失啦。黃鱔都有味道，唔似白烚，豬腰略嫌過熟...比較硬。酸辣粉味道酸酸辣辣，好合比例，令人開胃嘅一味。我成晚最欣賞呢個泡椒田雞，味道好好，十分野味，不過佢用多種辣椒油泡，但係我就一啲都唔覺得辣..好奇怪，個味就好ok囉。田雞可能都係田蛙size，啖啖肉，值得一讚。而服務就好似一