Video
Read full review
2011-03-06
3 views
之前去過一次，點知無上網睇清楚原來四點先開，唯有走人。今次特登約埋個fd放工之後去試。訂了枱5:30，但我地好早就到咗，大概五點。點知佢仲未開，有人喺出面等緊。只見個店員出去買清潔用品，之後番黎，再過多陣先開門做生意。我地選擇坐枱，費事除鞋咁麻煩。環境幾舒適，又真係好日式。日本擺設都好懷舊。個menu 都好日式，食物名又特別，好在有中文解釋究竟係乜東東。兩個人叫咗3款野食，蘋果批，白月三色同瓊脂。白月三色先來。有草莓大福、杏汁豆腐同燒小丸子。草莓大福賣相靚，味道都好好。個皮好薄，包住味道濃郁嘅綠茶餡。餡料味道好濃又唔會太甜，而中間粒士多啤梨就酸酸地。杏汁豆腐，可以話係平平無奇。豆腐唔係特別滑，仲鞋過百福。個杏汁味道偏淡，只係第一啖feel 到有杏仁味。燒小丸子其實就係粉團攞去燒一燒而已，但出黎效果幾好，暖暖地，外層帶少少燶。蘋果批...望落好似好大。好熱啊！燙口的！已預先切開成4份。酥皮好鬆，原隻蘋果在內。蘋果好淋，而且有少少玉桂味。味道不錯，好原始嘅蘋果味，而且唔會太甜。瓊脂...唉，真係好玩好睇唔好食。我覺得可以用難食去形容。我地揀咗綠茶味嘅湯，點知綠茶味唔夠濃。而d瓊脂就好係大菜
今次特登約埋個fd放工之後去試。
訂了枱5:30，但我地好早就到咗，大概五點。
點知佢仲未開，有人喺出面等緊。只見個店員出去買清潔用品，之後番黎，再過多陣先開門做生意。
我地選擇坐枱，費事除鞋咁麻煩。環境幾舒適，又真係好日式。日本擺設都好懷舊。
個menu 都好日式，食物名又特別，好在有中文解釋究竟係乜東東。兩個人叫咗3款野食，蘋果批，白月三色同瓊脂。
白月三色先來。有草莓大福、杏汁豆腐同燒小丸子。
草莓大福賣相靚，味道都好好。
個皮好薄，包住味道濃郁嘅綠茶餡。
餡料味道好濃又唔會太甜，而中間粒士多啤梨就酸酸地。
杏汁豆腐，可以話係平平無奇。豆腐唔係特別滑，仲鞋過百福。
個杏汁味道偏淡，只係第一啖feel 到有杏仁味。
燒小丸子其實就係粉團攞去燒一燒而已，但出黎效果幾好，暖暖地，外層帶少少燶。
蘋果批...望落好似好大。好熱啊！燙口的！已預先切開成4份。
酥皮好鬆，原隻蘋果在內。蘋果好淋，而且有少少玉桂味。
味道不錯，好原始嘅蘋果味，而且唔會太甜。
瓊脂...唉，真係好玩好睇唔好食。我覺得可以用難食去形容。
我地揀咗綠茶味嘅湯，點知綠茶味唔夠濃。
而d瓊脂就好係大菜糕咁，仲要好酸，酸到有d怪。
搞到個綠茶都酸埋...
按出黎嗰下係好玩，不過就真係唔好食。
整體黎講，試一次就夠，唔會再特登黎。
Post
