Video
Read full review
2023-08-09
604 views
一直bookmark左呢間餐廳，今晚終於決定試吓，晚上6:40分拎位，大約7:00就可以入座，等位時間唔算太耐。因為我係第一次食，入座之前諗好要叫熱門菜式：蟹肉炒飯、泰式炒通菜、飛餅、雞肉串燒啲餸菜仲要好快就到齊，一食落去真係好有泰國🇹🇭的味道，好有驚喜！蟹肉炒飯真係見到好多蟹肉，飯身粒粒乾身，再加埋炒蛋碎同少少蔥，已經好香口，會令人不停咁食飯。由於我哋得兩個人食，雖然叫左飛餅，但就無額外配咖哩，只係用串燒個沙嗲醬去伴，而且個飛餅唔算好厚身，又唔會焗到太乾，加少少醬食落岩岩好。至於雞肉串燒，個調味又係岩岩好，雞肉食落都啖啖肉同埋滑身，一碟有四串，每人食兩串份量剛剛好。食完肉都要食返啲菜，佢個泰式炒通菜有微辣，好惹味，啲通菜無炒到好黑，每條都青綠色，而且食落都有爽脆口感。食完呢幾個餸其實都有九成飽，但真係好想食埋個芒果糯米飯，畢竟甜品都係第二個胃🤣，個糯米飯煙煙韌韌，芒果唔算好甜，但淋係面的椰漿可以補返數，唔使講我哋都係食哂😍總括嚟講每道菜都好有泰國的味道，價錢亦算正常。侍應態度亦好好，只是餐廳裡播的音樂略嫌嘈吵（因為本來已經有好多人聲），同埋內裡油煙太大，食完之後頭髮有陣油煙味（但我哋
因為我係第一次食，入座之前諗好要叫熱門菜式：蟹肉炒飯、泰式炒通菜、飛餅、雞肉串燒
啲餸菜仲要好快就到齊，一食落去真係好有泰國🇹🇭的味道，好有驚喜！
招牌蟹肉炒飯
12 views
1 likes
0 comments
蟹肉炒飯真係見到好多蟹肉，飯身粒粒乾身，再加埋炒蛋碎同少少蔥，已經好香口，會令人不停咁食飯。
由於我哋得兩個人食，雖然叫左飛餅，但就無額外配咖哩，只係用串燒個沙嗲醬去伴，而且個飛餅唔算好厚身，又唔會焗到太乾，加少少醬食落岩岩好。至於雞肉串燒，個調味又係岩岩好，雞肉食落都啖啖肉同埋滑身，一碟有四串，每人食兩串份量剛剛好。
Roti
42 views
0 likes
0 comments
雞肉串燒
14 views
0 likes
0 comments
食完肉都要食返啲菜，佢個泰式炒通菜有微辣，好惹味，啲通菜無炒到好黑，每條都青綠色，而且食落都有爽脆口感。
泰式炒通菜
25 views
0 likes
0 comments
食完呢幾個餸其實都有九成飽，但真係好想食埋個芒果糯米飯，畢竟甜品都係第二個胃🤣，個糯米飯煙煙韌韌，芒果唔算好甜，但淋係面的椰漿可以補返數，唔使講我哋都係食哂😍
芒果糯米飯
23 views
0 likes
0 comments
總括嚟講每道菜都好有泰國的味道，價錢亦算正常。侍應態度亦好好，只是餐廳裡播的音樂略嫌嘈吵（因為本來已經有好多人聲），同埋內裡油煙太大，食完之後頭髮有陣油煙味（但我哋已經係坐門口位），如果可以改善的話就更好，期望下次黎再試埋其他菜式。
Post
