小胖台灣便當 (豐怡中心) (Closed)

同老公在旺角揀完小米手機，在附近食晚餐，見到有間台式餐廳，都要開動了。旺角分店環境開揚，堂食都坐得好舒服，點餐後只要提供枱號就送到你面前，服務唔錯。台灣鐵路大排骨便當想起台北車站附近的便當，大大碗好夠飽。呢個便當有大大塊大排骨，其實係豬扒連骨，非常易咬又入味。仲有其他配料，有蛋餅，粉絲，蔬菜，營養豐富。南投紅燒牛腩麵牛腩粒相當多，醃得入味，唔辣的。湯麵的辣度我接受到，你當係某米線品牌十小辣既程度。麵質有彈性。虎咬雞刈包，虎咬豬刈包見刈包都幾有趣，叫虎咬剎包都明既，大大個包夾住肉黎食，大口大口咬係好爽既。雞剎包有雞蛋，雞肉嫩滑多汁。豬刈包的腩肉大塊又肥美。仲有芫茜，酸菜，花生粉，中和肉的肥膩感。飲品要加錢既，我哋飲半糖珍珠奶茶，珍珠煙韌，開胃既酸梅汁，有青檸，梅，好正。