Video
Read full review
2016-04-13
185 views
通常去得赫德道都係一班人飲酒吹水，今日難得同班乖乖同事去完尖東食飯有人話去飲野，點知去到又話驚太多人，好彩係近漆咸道口附近見到間甜品店，立即一支剪衝入去入面大部分係4人枱，但估唔到竟然有張圓形梳化，大家圍埋傾計最好就係有呢啲枱，舒舒服服咁一邊食甜品一邊傾計點知見到牆邊寫明繁忙時最多坐一小時，相信平時一定人山人海，好彩我地食10點先到，人流唔算多，坐到收工先走都冇人話一坐低，侍應姐姐每人派返部8寸平板，哈哈，係用黎點甜品架，hi-tech, 不過太細部，又幾張相放落一個screen, 要放大先睇得清楚轉頭侍應姐姐拎另一個綠茶系列既menu..我班同事立即瘋狂起黎，因為綠茶甜品有5款，另外仲有綠茶紅豆等既飲品。二話不說大家已經只望住個綠茶menu..好得意，除左有文字解釋，隔離仲有手繪公仔介紹因為見到份量好似好多，我地叫左兩款綠茶甜品同埋一款茶試試抹茶焦糖燉蛋拼芝麻布甸 hk68甜品賣相好豐富，估唔到一款甜品有5樣野，芝麻布甸用小樽仔裝住，白色既面有啲似蛋白布甸，綠茶焦糖燉蛋用類似豉油碟裝住，黃黃綠綠咁，賣相吸引，跟住仲有紅豆，豆腐雪糕同埋白玉（類似無料湯丸），一次過有5樣野布甸味道不錯，
通常去得赫德道都係一班人飲酒吹水，今日難得同班乖乖同事去完尖東食飯有人話去飲野，點知去到又話驚太多人，好彩係近漆咸道口附近見到間甜品店，立即一支剪衝入去
入面大部分係4人枱，但估唔到竟然有張圓形梳化，大家圍埋傾計最好就係有呢啲枱，舒舒服服咁一邊食甜品一邊傾計點知見到牆邊寫明繁忙時最多坐一小時，相信平時一定人山人海，好彩我地食10點先到，人流唔算多，坐到收工先走都冇人話
一坐低，侍應姐姐每人派返部8寸平板，哈哈，係用黎點甜品架，hi-tech, 不過太細部，又幾張相放落一個screen, 要放大先睇得清楚
轉頭侍應姐姐拎另一個綠茶系列既menu..我班同事立即瘋狂起黎，因為綠茶甜品有5款，另外仲有綠茶紅豆等既飲品。二話不說大家已經只望住個綠茶menu..好得意，除左有文字解釋，隔離仲有手繪公仔介紹因為見到份量好似好多，我地叫左兩款綠茶甜品同埋一款茶試試
抹茶焦糖燉蛋拼芝麻布甸 hk68
抹茶蕉糖燉蛋配芝麻布甸
$68
9 views
0 likes
0 comments
布甸味道不錯，好香芝麻味，而且texture有彈性，唔會太稀又無死死實實咁，而且份量夠，我地幾個人每人一匙仔，食到尾味道更濃，因為一粒粒碎芝麻食落口感覺更好
綠茶焦糖燉蛋份量好少，每人只可以試好少，焦糖算脆，燉蛋有少少綠茶味，不過蛋太稀，一畢就散哂，而味道亦偏啖，啱唔太鐘意濃味既人食
豆腐雪糕有驚喜，豆腐味係我食咁多次最濃既一次雪糕味，之後再配埋紅豆食，簡直係perfect match, 紅豆煮得幾淋身，味道濃但唔太甜，同雪糕真係幾夾，唔錯
抹茶窩夫配豆腐雪糕 hk68
抹茶窩夫配豆腐雪糕
$68
2 views
0 likes
0 comments
綠色既玉非常之重既綠茶味，口感實帶點硬，咬落去比窩夫更濃味帶點苦，同事非常愛綠茶制品接受到，我就要配返雪糕同紅豆食先得啦
由於呢份甜品既份量都算幾多，飲埋佢杯煎茶感覺就似食完個輕量晚餐另外再叫芒果茶hk42
芒果茶
$42
9 views
0 likes
0 comments
呢個芒果茶跟4個小杯，啱哂我地幾個，一壺茶每人可以有兩杯左右，仲有個火仔慶住個壺。有個lipton茶包，壺入面仲有啲芒果肉，茶既顏色好橙好濃，但飲落口茶味香，果味反而唔重，唔甜，對於食完甜品既我地就啱哂總括黎講，以70蚊，甚至100蚊（有啲芒果類甜品要100蚊左右）食一款甜品感覺幾貴，但份量確實幾足，而且side dish都幾多種類，份量大，性格比都算高，啱哂晚餐食得唔飽或者輕食既女士直接當晚餐食。綠茶味夠濃，啱綠茶狂熱分子，或者配埋跟甜品黎既豆腐雪糕同紅豆一齊食。下次再黎要試埋佢既芒果系列先，因為佢menu有好多芒果款
另外一讚既係，侍應姐姐既服務好唔錯，因為佢重點推介綠茶系列，我班綠茶狂熱同事梗係唔放過佢問東問西，佢竟然咁有耐性答，抵讚
Post
