阿佳拌麵

Open Now

Now Closed

細個成日去葵涌廣場搵嘢食，林林總總。見到呢間阿佳拌麵，一於試下呢間台灣美食，解下相思之苦！小食: 貴妃烤雞卷$22賣相平平無奇的貴妃雞卷，但原來即叫即炸熱辣辣！已經熟透的雞卷會放在爐邊繼續保溫，慢慢烤至表面帶點焦燶。雞皮烤到卜卜脆，外脆內軟，雞肉十分嫩滑，一咬落去爆曬汁，好濃雞肉汁在入面爆開，啖啖肉而且香味十足。呢個麵線超級推介！ 蚵仔麵線$38 （+$10 大腸） 佢真係同我喺台灣夜市食嘅味道好接近，入邊非常足料，蚵仔嘅份量都俾得好慷慨，一定超過十隻都好飽滿！麵條有點粗，麵線條條分明唔稀爛，正宗台灣味道啊拌麵有多選擇，先試一份台醬牛肉拌麵$38呢個麵底我揀咗原味，個面好彈牙，牛肉肉質鬆軟配埋啲台醬牛肉真係冇得頂！重點食物又夠熱，吃完不會有令胃漲的感覺。貴妃雞拌麵$38雞肉鲜嫩，雞皮包住嫩滑雞肉，肉質十分細嫩唔肥膩。烤烘出嚟嘅雞肉鮮嫩，肉汁鎖得實，不肥膩又不邪惡。豐富的台灣味道和種類是香港比較少有的，價錢都正常唔算太貴，ＣＰ值勁高！不坊試試呢間阿佳拌麵，止一止懷念台灣之感覺。