娘惹廚房 (Closed)

星期日游完水，見仲早無乜人排隊，就去咗娘惹廚房試下。印尼菜第一次食，望住餐牌都無乜頭緒。見到個2人餐就試下佢啦。套餐選擇唔多，叫啲未食過嘅啦加多加多沙律，有蛋，蝦片，芽菜，豆角，椰菜，豆卜，薯仔，青瓜同個秘製醬汁。個醬汁幾醒胃，酸酸甜甜有啲花生醬味。串燒叫咗豬雞雙拼，略嫌唔夠熱。應該都係燒好一大堆，落單再翻熱。我最期待嘅巴東牛肉，牛肉好𣺉，至於味道真係唔識形容，應該係啲香料嚟，但係好食嘅，個汁送飯一流。印尼炒飯，略嫌油咗啲，同埋啲飯一舊舊，未炒開，可能印尼style掛。印尼咖啡同珍多冰。珍多冰同平時泰國餐廳啲唔同，超甜，杯底啲唔知咩嚟呢？