成都老碼頭火鍋 (Closed)

搭車經過好多次，搶眼嘅紅藍色大招牌已經變成大角咀地標，近日天氣轉涼想打邊爐，朋友提意去返「老碼頭」，即時話好店內外裝修都古色古香，以屏風作為間隔區分座位自助醬料區有特製香油同其他香料，可按喜好調配第一件事當然係揀湯底，鴛鴦鍋可以滿足曬各人口味，藥膳湯底嘅藥材味香氣撲鼻；重慶風味嘅麻辣湯底越滾越辣，建議可以叫小辣先小試牛刀*日本A4和牛牛頸脊*份量唔多，但雪花好靚，入口即溶；*響鈴*比平時食到既更香更厚，落水7秒外軟內脆係最好味既狀態；打邊爐識食一定係食厚切嘅*炸午餐肉*，唔係周圍有，落水淥一淥減少油膩感；*萵筍片*上碟時砌成花好有心思，長得嚟厚度均勻，口感甚好；第一次食*耗兒魚*，聽講係重慶火鍋必食，肉質嫩滑而且骨唔多，唔識食魚嘅朋友都食得；圓碌碌嘅*鴨血*一睇就知同出面食到既唔同，血味更濃見到醬料區旁邊有水箱養住活海鮮，唔怪得*珊瑚蚌*同*桂花蚌*都咁新鮮爽口啦！