Video
Read full review
2018-07-20
2620 views
老公仔早兩個星期同我講佢有得升職，開心到我呀！升職即係加人工啦，有我加人工我地養B都無咁辛苦，今日我就Suprise去接佢收工！呢間餐廳我地之前食過一次Lunch，都幾好食，所以今次Encore！要讚一讚四眼Waiter哥哥，由入門口開始就笑容滿面，比人感覺好親切同舒服！我地首先order左兩個湯，蟹肉龍蝦湯，$68，平日飲呢隻湯都係意X屋，今次呢度試下！老公好中意飲龍蝦湯，呢度既味道仲濃，係好香既龍蝦香味，一d都唔咸，質感仲好順滑，湯內既配料一d都唔hea，蟹肉好多，而且係清晰可見既一條條，好明顯係長腳蟹度拆出黎既，心機方面下左唔少苦功！飲多碗都唔怕！之後我地點左4隻生蠔，我都唔敢叫太多，一陣飽左就食唔到主菜，每人兩隻剛剛好！今晚有美國同法國既生蠔，美國成日都食，而且法國入左決賽所以支持下！首先係法國黃金蠔，黃金蠔比較細隻d，但肉算係厚身，帶子位都好堅韌，入口幾順滑，仲帶輕微既海水咸味，另外我點左法國芝華度，呢隻Size比較大，蠔肉睇起黎比較厚身肥美，食起來初初質感比較薄，之後食到尾就好肥美，肉質好爽脆，味道就較重海水味所以比較咸，食到第2隻我就加左d檸檬汁落去一齊食，有中和既作用喎
呢間餐廳我地之前食過一次Lunch，都幾好食，所以今次Encore！要讚一讚四眼Waiter哥哥，由入門口開始就笑容滿面，比人感覺好親切同舒服！我地首先order左兩個湯，蟹肉龍蝦湯，$68，平日飲呢隻湯都係意X屋，今次呢度試下！老公好中意飲龍蝦湯，呢度既味道仲濃，係好香既龍蝦香味，一d都唔咸，質感仲好順滑，湯內既配料一d都唔hea，蟹肉好多，而且係清晰可見既一條條，好明顯係長腳蟹度拆出黎既，心機方面下左唔少苦功！飲多碗都唔怕！
之後我地點左4隻生蠔，我都唔敢叫太多，一陣飽左就食唔到主菜，每人兩隻剛剛好！今晚有美國同法國既生蠔，美國成日都食，而且法國入左決賽所以支持下！首先係法國黃金蠔，黃金蠔比較細隻d，但肉算係厚身，帶子位都好堅韌，入口幾順滑，仲帶輕微既海水咸味，另外我點左法國芝華度，呢隻Size比較大，蠔肉睇起黎比較厚身肥美，食起來初初質感比較薄，之後食到尾就好肥美，肉質好爽脆，味道就較重海水味所以比較咸，食到第2隻我就加左d檸檬汁落去一齊食，有中和既作用喎，味道不錯，我自己就中意食芝華度多d。
大約15分鐘後，美國頂級肉眼黎啦！我地件扒有10安士，飽到喊呀！有d驚喜係超級多薯條伴碟，薯條幼身，炸到每條都脆脆，仲帶少少焦焦地！10安士既肉眼扒好厚身，肥肉唔多，絕對係啖啖肉，我地揀左七成熟，肉眼切開都仲有少量血水，但咁既牛扒先係最好味！肉眼充滿牛蘇味，肉質帶點韌，好有咬口同嚼勁！切開筋位食用仲帶點油香，味道好上乘，美國農業部認證真係唔同d。
美國安格斯牛肉芝士漢堡，呢個漢堡有8安士，超大個，我地都嚇一跳！同樣地配上大量薯條（多到食唔晒，超抵食！），漢堡好多Layer，打開麵包，見到既係一片厚厚既芝士包圍，包既下方仲有生菜、洋蔥、鮮蕃茄等。安格斯牛真係同普通牛唔同，安格斯牛係好香牛味，每粒牛肉都無肥肉，真材實料！牛肉唔難咀嚼，入口就融化！漢堡包都好鬆軟，仲搽左d牛油，食起黎仲滑！
其實已經好飽，但Waiter哥哥遞上甜品menu，我既第二個甜品肚又出現啦！我地唔敢太放肆，叫左一個only，「法式蛋白紅莓撻」，等左15分鐘就有啦，即叫即焗！Size大約兩個蛋撻咁大，撻皮就似普通蛋撻既牛油皮，但好香脆又無豬油味，餡料係紅莓，呢隻水果我比較少食，因為怕酸又澀。但呢個撻味道好甜，食落好開胃，紅莓已經打成蓉了，加上香口脆皮既撻一齊食幾好味！仲有人話紅莓有抗衰老功效，真係多食都唔怕！
老公今餐好滿意，表示下次升職都黎食呀！
Post
