Wheatfield X 羅宋湯專門店 (MOKO新世紀廣場) (Closed)

每次行過都只見到佢裝修中，終於今次見到佢開啦！秒入去試~聽講羅宋湯係俄羅斯人發明，流傳到多國，黎到香港嘅時候已經係兩款截然不同嘅湯...！所以真係抱住一個想試下羅宋湯原味嘅諗法入嚟食飯！ 點知入到嚟嘅時候，發現原來佢係賣上海派嘅羅宋湯，海派羅宋湯一樣些少辣，同香港嘅羅宋湯偏酸偏甜唔太同~今次叫左“ 紅菜頭湯（豬髀肉）+香煎薄牛扒脆豬仔包” &“ 海派牛腩羅宋湯（配烏冬）+汁燒豬脾肉” 我都唔知點解我覺得紅菜頭湯係酸，可能因為係紅色，飲落真係好甜，係菜嘅鮮甜味！ 紅菜頭湯除咗浸住兩塊豬脾肉之外，當然有紅菜頭條仲有薯仔！飲完都飽~脆豬仔包真係好脆，薄牛扒有少少韌，要畀啲力先可以扯開佢！海派牛腩羅宋湯有少少辣，湯料都似港式嘅羅宋湯有紅蘿蔔有洋蔥有薯仔，少少辣好開胃，配埋烏冬食飽個身會暖笠笠！整體好食，因為之前都冇羅宋湯專門店既餐廳，感覺都幾特別