Video
Read full review
2010-06-14
66 views
由於朋友好想試呢間主題餐廳, 但我睇過食評個個人都話難食, 但今晚終於都試左, 又冇想像中咁難食既, 只係價錢貴左啲唔值啫, 我地6點半到去到, 唔駛等住, 但店內都有好多人啦, 我地被安排坐門口右手邊既枱, 呢邊好似比我地包場咁, 等我地一枱咋, 但叫完野食就開始滿座啦! 我地原本唸住叫一個套餐share既, 因為有湯同主菜,另外沙律,蛋糕同雪糕係任食既, 但個侍應話如果叫套餐就一定要兩個人一齊叫喎, 唔可以一個叫套餐, 另一個散叫咁, 真係巴閉呀!!! 最後我地叫左個日式叉燒牛奶湯麵, 開頭以為係拉麵, 但佢地話係烏冬喎, 冇拉麵, 咁究竟係賣晒定根本唔會有拉麵呢? 如果冇咁寫咩湯麵呢? 寫湯烏冬啦!!! 黑椒牛柳絲意粉, 蜂蜜盧薈, 朱古力芭菲日式叉燒牛奶湯麵 - 真係好重牛奶味, 叉燒都好淋幾好味, 烏冬好煙un, 呢個真係唔差既黑椒牛柳絲意粉 - 賣相唔差家, 但食落口就...差差差, 成碟野好重黑椒好辣, 牛柳絲好似好梅咁囉, 淋啤啤咁, 都唔似牛柳既都唔知咩肉黎家, 呢個就真係好難食啦蜂蜜盧薈 - 嘩...同個餐牌相好有分別, 果杯咁既野只得半杯咋, 原價$35, 跟餐
日式叉燒牛奶湯麵 - 真係好重牛奶味, 叉燒都好淋幾好味, 烏冬好煙un, 呢個真係唔差既
黑椒牛柳絲意粉 - 賣相唔差家, 但食落口就...差差差, 成碟野好重黑椒好辣, 牛柳絲好似好梅咁囉, 淋啤啤咁, 都唔似牛柳既都唔知咩肉黎家, 呢個就真係好難食啦
蜂蜜盧薈 - 嘩...同個餐牌相好有分別, 果杯咁既野只得半杯咋, 原價$35, 跟餐就加$10, 唔知係咪跟餐會得半杯囉
朱古力芭菲 - 賣相好靚, 味道都唔差
~~試一次就夠啦, 見識過就夠啦, 唔會再幫襯~~
Post
