全記海鮮菜館

Open Now

Now Closed

我和三個同事 + 一個小朋友, 合共四大一小在6/28晚到了西貢食海鮮, 好多舖頭都有SELL我地, 結果我地選了全記, 因為有同事食過話OK. 四人套餐六百九十幾蚊, 包五個海鮮及生果糖水, 茶芥加一全免, 樓下sell o既阿姐落足咀頭係咁話絕無取巧~ 我地選了清蒸鮑魚仔, 總共有八隻, 細細隻都幾有咬口, 點豉油加埋薑蔥一齊食好正! 另外選了芝士龍蝦伊麵, D汁好香濃!好好味呀! 好多龍蝦呀, 隻鉗仲好大隻, 我地一路食一路話好幸福呀! 仲叫左椒鹽瀨尿蝦, 好大隻, 好多肉, 同事用較剪幫我起肉! 之後又揀左蒸魚, 係黃立倉, 不過有點o鞋, 但我地都掃晒, 哈哈! 最後係選左椒鹽鮮墨魚, 佢話唔係魷魚喎, 上檯即食好正好香, 一凍了就淋晒啦! 另外自費了燒鵝例牌$68, 都幾大碟, 好脆皮, 好有深井feel, 最後亦落門口揀海鮮, 自費了冬風螺, $96/斤, 另加煮功四個人約四十幾蚊, li味餸都幾貴, 一斤只有約二十粒, 雖然我好鍾意食, 但食落好似感覺好大泥味, 好似唔係好乾淨咁, 但好彩都冇肚痛. 見到隔離檯叫了龍蝦刺身, 偷拍左一張! 另外西瓜汁一百蚊一楂, 佢話係