素心齋

Open Now

Now Closed

小編好鍾意食酸甜齋， 發現香港好多嘅齋鋪都已經執咗。有時想食下齋滷味都唔知去邊度搵好🫠以前細個食一盒齋滷味就當一餐，真係好懷念。以前都好易搵，到而家想食嗰陣時先發現好多都已經冇做，疫情真係搞到生意難做。喺觀塘返工嘅小資生活女，平時食個飯都要$40-$50, 這是常識吧。想再慳儉啲就自己帶飯盒，但係邊有時間整呀😩透過同事推薦，發現有呢一間小食店。好開心比我發現到有我最愛嘅齋滷味，特別係酸甜齋。我梗係唔會放過啦! 我喺呢一間小食店買咗一盒酸甜齋，味道其實覺得好唔錯，唔會太甜太酸，啱啱好，好開胃。心諗：就係呢一種味道啦！令人好懷念！雖然細細盒，但係我覺得份量都好足夠我一個人食。一盒都要$17，望落好似唔係好抵咁，但食完之後發現其實啱啱好。俾我搵到已經好開心，覺得好唔錯！下次我都一定會再買。