Video
Read full review
2010-06-22
159 views
大部份人來南丫島, 都是到榕樹灣, 體驗一下小島風情, 食食豆腐花, 做下書蟲. 今次, 沒有找書蟲, 我們食完豆腐花之後, 決定繼續向前走, 一走, 走到來索罟灣呢一個小漁村了.行到身水身汗, 奈何索罟灣以海鮮店為主. 我們當中有一個食素, 食乜海鮮丫. 先在大街來回一下. 看見一些行山團, 行完山後係天虹大吃一番. 我們兩個free walker, 終點站絕非天虹, 亦不考慮其他海鮮檔. 行入了一間懷疑黑店, 又唔肯煮味齋俾人食的茶餐廳之後, 回頭再來呢一間問問. 老闆娘一句OK. 我們就坐下. 店子太子女叫我們不如坐出面, 涼快D. 之後便帶我們坐海邊位, 一邊欣賞漁港風光, 一邊食炒粉炒麵碟頭飯.....你地話浪唔浪漫呢......首先消消暑先, 一支大可樂同一杯凍檸茶. 坐得靜下了, 汗水收了少少. 來一杯清涼飲品 (不需要什麼特飲), 已經好滿足. 不一會, 齋妹的茄蛋飯到. 一塊大煎蛋加上美味的鮮茄肉汁. 味道有蕃茄的鮮甜味, 亦有著香香的美極醬油味. 難道是我們餓嗎, 感覺到廚子手藝不錯.我就要一個牛腩炒麵. 脆脆的炸麵餅, 加上濃汁牛筋腩. 味道正濃烈, 是真正的牛腩
行到身水身汗, 奈何索罟灣以海鮮店為主. 我們當中有一個食素, 食乜海鮮丫. 先在大街來回一下. 看見一些行山團, 行完山後係天虹大吃一番. 我們兩個free walker, 終點站絕非天虹, 亦不考慮其他海鮮檔. 行入了一間懷疑黑店, 又唔肯煮味齋俾人食的茶餐廳之後, 回頭再來呢一間問問. 老闆娘一句OK. 我們就坐下. 店子太子女叫我們不如坐出面, 涼快D. 之後便帶我們坐海邊位, 一邊欣賞漁港風光, 一邊食炒粉炒麵碟頭飯.....你地話浪唔浪漫呢......
首先消消暑先, 一支大可樂同一杯凍檸茶. 坐得靜下了, 汗水收了少少. 來一杯清涼飲品 (不需要什麼特飲), 已經好滿足. 不一會, 齋妹的茄蛋飯到. 一塊大煎蛋加上美味的鮮茄肉汁. 味道有蕃茄的鮮甜味, 亦有著香香的美極醬油味. 難道是我們餓嗎, 感覺到廚子手藝不錯.
我就要一個牛腩炒麵. 脆脆的炸麵餅, 加上濃汁牛筋腩. 味道正濃烈, 是真正的牛腩香味. 味道雖好, 不過好"漏". 因為牛筋偏多, 雖充滿骨膠原, 但比較難消化的牛筋搞到成碟麵膩而不肥. 本是美味的, 但好快便把我填飽, 食唔哂.
我們慢慢坐, 聽見太子女妹妹同好多人有說有笑, 而且有一班人已經非常熟落, 相信此店也是索罟灣村民的飯堂. 計埋飲品, 每人$40. 雖比市區貴, 但在離島感受一上當地人的生活寫照, 也是不錯. 有時, 地方變得太遊客, 實在有失鄉情. 而此店, 老闆娘, 小妹妹, 老老闆, 同遊客又好, 街坊又好, 有說有笑, 服務雖不算殷勤, 但一種鄉情的親切, 令客人感覺好舒服.
Post
