Video
Read full review
2019-03-24
474 views
近排天氣陰晴不定，昨天仍在穿著短袖T恤，今日就突然急降了幾度。見天氣凍冰冰，不想做飯，老公提議去「唐記包點」買外賣。老公話要食蒸飯，小鬼想食粥同點心，而我就對蒸包更有興趣，一於全部買齊。沒想來到時還未夠十二點，門口已經企滿嚟買外賣嘅客人，非常旺場。今次買左新出的梅菜肉餅飯、皮蛋瘦肉粥、糯米雞同 5 款包點，滿載而歸。梅菜肉餅飯 ($25) 肉餅非常大塊，食落唔乾身，蒸得好入味，而且每啖入口都有梅菜香，加上墊底的椰菜同軟硬適中的飯粒，充滿家鄉風味。皮蛋瘦肉粥 ($16) 粥底煲得軟綿順滑，入口夠稠密，皮蛋和瘦肉份量充足，食落亦頗夠味。糯米雞 ($25) 隻糯米雞差不多有成隻手掌咁大，入面有雞翼、冬菇、叉燒、鹹蛋黃和肉碎，料足又帶荷香，令人吃得津津有味。至於蒸包方面，今次就點左菜肉包 ($7)、叉燒包 ($7.5)、香菇雞包 ($7)、麥皮饅頭 ($5) 同黑麻蓉包 ($7.5)。咁多款之中，首推黑麻蓉包，芝麻餡料順滑又帶點沙沙口感，入口味道勁香濃，加上甜度適中又有芝麻香，堅好食。叉燒包水準亦不賴，包身夠鬆軟，叉燒餡頗多，入口鹹甜得宜，加上沒有太多肥肉，食味頗佳。另外菜肉包亦值得一試，菜同
近排天氣陰晴不定，昨天仍在穿著短袖T恤，今日就突然急降了幾度。見天氣凍冰冰，不想做飯，老公提議去「唐記包點」買外賣。老公話要食蒸飯，小鬼想食粥同點心，而我就對蒸包更有興趣，一於全部買齊。沒想來到時還未夠十二點，門口已經企滿嚟買外賣嘅客人，非常旺場。
今次買左新出的梅菜肉餅飯、皮蛋瘦肉粥、糯米雞同 5 款包點，滿載而歸。
梅菜肉餅飯 ($25) 肉餅非常大塊，食落唔乾身，蒸得好入味，而且每啖入口都有梅菜香，加上墊底的椰菜同軟硬適中的飯粒，充滿家鄉風味。
皮蛋瘦肉粥 ($16) 粥底煲得軟綿順滑，入口夠稠密，皮蛋和瘦肉份量充足，食落亦頗夠味。
糯米雞 ($25) 隻糯米雞差不多有成隻手掌咁大，入面有雞翼、冬菇、叉燒、鹹蛋黃和肉碎，料足又帶荷香，令人吃得津津有味。
至於蒸包方面，今次就點左菜肉包 ($7)、叉燒包 ($7.5)、香菇雞包 ($7)、麥皮饅頭 ($5) 同黑麻蓉包 ($7.5)。咁多款之中，首推黑麻蓉包，芝麻餡料順滑又帶點沙沙口感，入口味道勁香濃，加上甜度適中又有芝麻香，堅好食。
叉燒包水準亦不賴，包身夠鬆軟，叉燒餡頗多，入口鹹甜得宜，加上沒有太多肥肉，食味頗佳。
另外菜肉包亦值得一試，菜同肉的比例啱啱好，吃起來肉味夠、菜清甜，包皮不黐牙，令人吃得滿意。
如果唔想食有餡料嘅包，可以試下呢個麥皮饅頭，麵粉味香濃，加上中間夾雜著細碎的麥皮粒，增添口感。呢餐除開每人都唔使 $40，經濟又抵食。
Post
