名川苑雞煲火鍋 (Closed)

今日同朋友係旺角打完波，正當煩緊食咩好既時候醒起之前有朋友介紹過依一間雞煲，今次終於可以試一試！ 地點方面非常就腳，門口就有停車位，附近又有停車場，抵讚！一去到門口已經俾佢地啲介紹整到十分肚餓，一於快啲入去試一試！ 今次試左佢地個藥膳雞煲，個湯底做得非常出色，好重藥材味，啱曬我地依啲小湯水既人，雞都未食就飲左兩碗湯啊雞方面好滑，雞味好重，一食就知道吾係雪藏雞，食到我地抵吾到口啊，一隻雞吾洗十五分鐘就無曬啊！ 配料方面我地叫左啲清清地既嘢配合返個湯底，不得不提個魚片，真係好食到震啊，啲伙記話係係旺角一間好有名既魚蛋鋪頭攞架，吾係啲平價嘢黎，果然無介紹錯！其他既配料都好出色好新鮮，食到我地停吾到口！ 今次朋友真係無介紹錯，下次一定再黎試下佢其他既雞煲，仲有個豬骨煲都好想試，真係要黎多幾次先得！