Video
Read full review
2023-02-04
600 views
位於粉嶺中心嘅小河內都食過兩次，食物正常發揮，價錢經濟合理，整體環境唔侷促，店員都親切有禮貌，同埋勝在唔使排隊。店舖以彩藍色及深藍色做主調，我哋揀咗窗邊卡位坐低，坐位寬敞舒適，樓底高，從大玻璃窗望到店外環境，雖然係屋苑景，但都感到份外休閒寧靜。睇餐牌叫咗兩個越式午市套餐。#河內生牛肉金邊粉 $58個湯底比起出面其他越南河較為清淡，唔係話好熱辣辣，薄生牛肉片都保持住半生熟狀態，份量都正常，麵底有幾款選擇，我就揀咗金邊粉，鍾意佢比河粉幼身，煮得硬度剛好，配料有蔥、洋蔥、芽菜同九層塔都俾得多嘅，套餐包咗熱飲，餐廳係無加一收費，呢個價錢有呢個配套都非常唔錯。#河內三寶飯 $62越南三寶有香茅豬扒、雞翼及扎肉，豬扒同雞翼都醃得入味，豬扒煎得甘香，香茅味好出，雞中翼有兩隻，正常好味水平，扎肉都預咗係凍嘅，不過質地有少少凍到硬硬哋，同有少少雪味，感覺似雪咗好耐。個飯加隻荷包蛋撈埋豉油、蔥油、炸乾蔥一齊食都唔錯，不過隻荷包蛋同個飯就略嫌唔夠熱。#小河內地址：粉嶺新運路33號粉嶺中心地下148-148A號舖
河內生牛肉金邊粉
30 views
0 likes
0 comments
個湯底比起出面其他越南河較為清淡，唔係話好熱辣辣，薄生牛肉片都保持住半生熟狀態，份量都正常，麵底有幾款選擇，我就揀咗金邊粉，鍾意佢比河粉幼身，煮得硬度剛好，配料有蔥、洋蔥、芽菜同九層塔都俾得多嘅，套餐包咗熱飲，餐廳係無加一收費，呢個價錢有呢個配套都非常唔錯。
河內三寶飯
15 views
0 likes
0 comments
越南三寶有香茅豬扒、雞翼及扎肉，豬扒同雞翼都醃得入味，豬扒煎得甘香，香茅味好出，雞中翼有兩隻，正常好味水平，扎肉都預咗係凍嘅，不過質地有少少凍到硬硬哋，同有少少雪味，感覺似雪咗好耐。個飯加隻荷包蛋撈埋豉油、蔥油、炸乾蔥一齊食都唔錯，不過隻荷包蛋同個飯就略嫌唔夠熱。
#小河內地址：粉嶺新運路33號粉嶺中心地下148-148A號舖
Post
