華苑酒家 (Closed)

突然天氣轉涼，得返十度，咁嘅天氣梗係要打邊爐，一家人黎到華苑酒家，平日$138一位，假日就$158，全包價真係好抵喎。啲枱都幾濶落，好坐。醬料櫃，有辣辣，蔥，芫荽，生蒜等，感覺幾衛生。整返個混醬先飲品自助，有汽水，啤酒等。湯底有十款左右選擇，全部免費不用額外加錢，揀左醉雞湯底，嘩，雞件幾靚喎。湯底好香藥材味，又好有酒香，好得，飲左幾啖正呀。自助區有蔬菜，午餐肉，芝士腸，餃子等，款式雖然不算多，但refill得很快。落單區食物，手打丸好正，爽口彈牙。其餘不過不失，點幾多黎幾多。肥牛都幾靚吖炸魚皮，響鈴卷都係自助拎嘅，細細塊方便食。竹笙同鮮淮山太正了，大量encore。天氣凍打邊爐特別正，好味道食飽飽，好過自己又洗又切啦。全店爆場好生意，店員忙得不可開交，但態度都仲好好，又加湯又收碟，睇見都辛苦。