喜善中餐廳 (Closed)

同屋企人去開outlet行街, 就順便喺emax食lunch。之前參加朋友婚宴已經試過喜善嘅食物質素, 覺得唔錯就入咗呢間酒樓!餐廳環境幾闊落, 坐位亦唔算逼, 第一印象唔錯。點心除咗典型蒸點, 仲有好多小食選擇, 假日仲有特價紙添, 最啱我呢個慳家一族!叫咗個大點嘅生滾雞粥。個粥一嚟到絕對有驚喜, 因為係用大湯碗上, size係平日酒樓嘅兩倍。滑雞球係用平日棉花雞嗰種, 無骨, 而且有5-6件, 所以$26係物超所值!整體嚟講野食幾好味, 價錢亦好優惠, 但炸物嘅温度不足, 餐廳要留意下。