客尚來

Open Now

Now Closed

聽講朋友都好掛住大學住宿舍時，係西環附近餐廳食嘢嘅時光，我哋除夕特意約咗去個度食好嘢。呢間餐廳嘅客飯$54有小菜、白飯、豆漿一杯同例湯。都幾多野可以食仲有大檯，可以一圍8個一齊食。由於我哋當早晚餐既關係，叫左好多野食： 有三鮮炒年糕、四川擔擔麵、南翔小籠包（5隻）、醉雞客飯 （配例湯）、韮王炒鱔糊 、上海話梅骨、紅油抄手（6隻）、高力豆沙 、追加熱豆漿。紅油抄手有蒜香、新鮮既豬肉，好味。對於小籠包控黎講，呢度既南翔小籠包，大大隻又足料，好食。三鮮炒年糕 年糕同配菜味道都幾夾喎。韮王炒鱔糊 鱔糊都軟滑好味，連韮王花菇炒味道夠香。飲杯豆漿先啦！四川擔擔麵抵食大份，夠兩個女仔食。味道正常發揮。高力豆沙鬆軟又熱熱地嘅口感，豆沙甜度適中，令人一試難忘。