Video
Read full review
2016-09-13
305 views
結婚週年紀念日，聽老友話銅鑼灣螢壽司評價幾高，做緊兩人餐promote，由廚師發牌，正喎！我中意唔使自己諗，一於去試下先！餐廳係6樓，成層都係lu，一坐低就有前菜漬物食，有黃蘿蔔，酸酸甜甜咁，另一個係蕎頭，我從來未見過紅色既蕎頭，唔係好酸，脆卜卜，外貌好似一片片洋蔥咁~之後就開始刺身啦，先係薄切左口魚加岩鹽，試左一片淨左口魚，無乜味，淡左d，加埋岩鹽，個味即刻出晒！咸咸地加埋鮮味，出晒！北海道帆立貝，厚切，晶瑩剔透，好厚的一舊肉，本來味道平平無奇，但加上岩鹽同柚子皮磨成既粉，未食已經feel到好大陣柚子香味，食落係一整件都係柚子味，帆立貝好滑，咬落煙煙un un，仲好香口！ 牡丹蝦係我的喜愛物之一，可以拆殼拆尾，蝦肉新鮮，夠肥美又林，嗰種鮮味好正，另外呢個蝦有個特別之處，就係佢有個汁，我忍唔住叫Waiter哥哥問下，原來係蝦膏，竟然諗到用肥美既蝦膏黎配鮮蝦！第一口會feel到種腥腥的味道，腥味係口中徘徊，但食落去會食到蝦既肥美膏味！呢個蝦相當出色！之後就嗌左兩串串燒，雞皮花竹蝦，睇個名覺得幾得意喎！一試先知原來唔使拆殼架！無蝦殼的，已經預先拆左，食層皮，覺得油油地，原來真係雞皮黎，雞皮
餐廳係6樓，成層都係lu，一坐低就有前菜漬物食，有黃蘿蔔，酸酸甜甜咁，另一個係蕎頭，我從來未見過紅色既蕎頭，唔係好酸，脆卜卜，外貌好似一片片洋蔥咁~之後就開始刺身啦，先係薄切左口魚加岩鹽，試左一片淨左口魚，無乜味，淡左d，加埋岩鹽，個味即刻出晒！咸咸地加埋鮮味，出晒！
北海道帆立貝，厚切，晶瑩剔透，好厚的一舊肉，本來味道平平無奇，但加上岩鹽同柚子皮磨成既粉，未食已經feel到好大陣柚子香味，食落係一整件都係柚子味，帆立貝好滑，咬落煙煙un un，仲好香口！ 牡丹蝦係我的喜愛物之一，可以拆殼拆尾，蝦肉新鮮，夠肥美又林，嗰種鮮味好正，另外呢個蝦有個特別之處，就係佢有個汁，我忍唔住叫Waiter哥哥問下，原來係蝦膏，竟然諗到用肥美既蝦膏黎配鮮蝦！第一口會feel到種腥腥的味道，腥味係口中徘徊，但食落去會食到蝦既肥美膏味！呢個蝦相當出色！
之後就嗌左兩串串燒，雞皮花竹蝦，睇個名覺得幾得意喎！一試先知原來唔使拆殼架！無蝦殼的，已經預先拆左，食層皮，覺得油油地，原來真係雞皮黎，雞皮炸過，充滿住好香既雞油，包住隻蝦，香味帶埋落蝦度，令蝦有香噴噴既雞油味！另外係鹽燒厚切牛舌，鹽味重，牛舌爽口，夠厚，油反而唔多！
阿媽成日係屋企煲水魚湯，我都覺得好濃好香魚味，第一次飲日本既濃魚湯，好香好濃好滑，好香既魚味，個湯奶白色而且唔腥，最仲要係無魚骨，有水準！屎！唔記得講壽司tim！食左幾款壽司，我最中意三文魚，秋刀魚，海膽同大吞拿魚壽司！三文魚個味唔同，唔點豉油都好味，因為本身塊三文魚上面都已經有味，咸咸地咁，似醃過，而且睇上黎紋路都唔同，白色筋根好細緻~秋刀魚有d好香既丁點酸味，有d似鯖魚味，但唔似一般魚咁硬硬地一片，而係入口即融！魚肉係軟身同滑到入口即融既，絕對係新鮮美味既魚，上面仲有少少薑同蔥僻味，入到口有新鮮感覺，好似將之前食既食物味一掃而空，只係食到滿口秋刀魚味！海膽腥味唔重，易入口，細味之下會食到一粒粒細緻的海膽bb！
守尾門既係大吞拿魚壽司，我只會用一個字形容，就係油！吞拿魚既魚油完全發揮晒出黎，食落口會有一種豐富肥美既油味，有少少膩感，放到最後就最岩啦！
2週年快樂~~~I LOVE YOU老公~
Post
