Video
Read full review
2016-09-18
84 views
早幾日朋友入黎屯門探我，而身為超級韓迷既佢得知屯門開左韓國人氣爆登弘大kiss the tiramisu，又話要去朝聖食下佢既tiramisu雪糕咁先不枉佢此行。Kiss the tiramisu menu一目了然，有三種口味，原味tiramisu，香蕉同士多啤梨味。朋友鐘情tiramisu，所以二話不說就揀左原味。同一般外賣雪糕有所不同，kiss the tiramisu用長型杯盛裝雪糕，除左方便拎黎住食之外，外型美觀既杯更係女仔selfie時至愛😍為左令雪糕可以冰冷一啲，鋪頭將杯放入雪櫃之中，令雪糕冰凍感更為持久。Tiramisu軟雪糕唔似一般一唧就ok可以食，成個過程好似真係整tiramisu蛋糕咁，逐層逐層整，先係杯底外圍整幾圈雪糕，然後再係中間加入芝士，餅碎，朱古力粉，跟住上層再唧多幾圈軟雪糕，唧啲咖啡酒，灑上朱古力粉之外，仲即時磨朱古力塊係雪糕上，加強朱古力味道。朱古力同咖啡酒味道濃烈，雪糕牛奶味重，軟滑程度一般，不過食到杯底時將雪糕攪拌黎食真係幾似食tiramisu蛋糕味道。至於我上次食唔到士多啤梨味，今次一心想試，點知又賣哂，所以試下香蕉雪糕可唔可以吸引到我，士多啤梨味
Kiss the tiramisu menu一目了然，有三種口味，原味tiramisu，香蕉同士多啤梨味。朋友鐘情tiramisu，所以二話不說就揀左原味。
同一般外賣雪糕有所不同，kiss the tiramisu用長型杯盛裝雪糕，除左方便拎黎住食之外，外型美觀既杯更係女仔selfie時至愛😍
為左令雪糕可以冰冷一啲，鋪頭將杯放入雪櫃之中，令雪糕冰凍感更為持久。Tiramisu軟雪糕唔似一般一唧就ok可以食，成個過程好似真係整tiramisu蛋糕咁，逐層逐層整，先係杯底外圍整幾圈雪糕，然後再係中間加入芝士，餅碎，朱古力粉，跟住上層再唧多幾圈軟雪糕，唧啲咖啡酒，灑上朱古力粉之外，仲即時磨朱古力塊係雪糕上，加強朱古力味道。
朱古力同咖啡酒味道濃烈，雪糕牛奶味重，軟滑程度一般，不過食到杯底時將雪糕攪拌黎食真係幾似食tiramisu蛋糕味道。
至於我上次食唔到士多啤梨味，今次一心想試，點知又賣哂，所以試下香蕉雪糕可唔可以吸引到我，士多啤梨味就隨緣睇下有冇機會再食到。上層雪糕香蕉味好似平時飲開既香蕉奶味道，濃濃既香蕉香氣，口水蠢蠢欲動流哂出黎。至於下層口感都幾得意，約雪糕完全攬拌後食超似平時乳酪混合殼物片果種質感，而呢杯雪糕則混合左脆脆粒，食法比乳酪更為吸引🤘
Post
