桃園制作粥麵餐廳 (海悅豪園) (Closed)

今日山長水遠入到嚟將軍澳探朋友， 朋友話呢一間餐廳門口成日大排長龍， 搞到我真係好有期望， 喺門口等咗大約十分鐘， 就入到去，心諗真係發達， 今日一定行好運 。我叫咗一碗蠔仔泡飯， 朋友就叫咗個滑蛋番茄牛肉飯。我嗰碗蠔仔泡飯首先嚟到，離遠見到大大碗， 諗住實係好嘢，點知就．．．．．． 首先啲蠔仔係真係好少好少 ，入面最多嘅竟然係唔同種類嘅菇，而且味道好淡，飯的份量亦好少。 我朋友嗰個仲經典，餐牌上面嘅係碟頭飯，啲餸菜好多。但係黎度呢就係完全唔同樣 ，完全係迷利袖珍版， 實在係太令人失望。