Video
Read full review
2023-01-30
87 views
真心食評唔太差都唔會寫，但呢間野真係近十年我食過最差嘅舖，唔講以為自己返左大陸俾人劏死牛！我地15人，當日打去訂位話我地人數多驚我地坐得耐，要當包場，每人三百min charge，講真我覺得合理，而且一定會叫多過呢個數，當日去到已經係新年後開哂工嘅日子，但餐牌都要話收新年價！老闆娘話個價去到初十五都係新春價！當日入去廚房得一位姐姐，樓面有一個（但原來係第一日返工😑），同埋老闆娘，佢喺我地坐底左15分鐘都無就走左，我地落order叫野個樓面乜都唔知唔清楚，其實同我地招呼自己無乜分別！新春價餐牌酸菜魚288，羊腩煲188，胡椒豬肚鍋188，問佢呢個價分量有幾多，佢話2-3個人都食到，咁我地十幾人梗係打孖上啦！當等到個鍋黎已經係一個鐘之後，仲要唔係鍋，係一個圖中size嘅錫紙兜，應該長度係無30cm，而且呢個錫紙兜佢話已經係兩份嘅分量，即係呢兜咁細兜嘅酸菜魚（片）佢係收你差唔多六百蚊而個分量少到離哂譜！！入面嘅魚片少到我地每人只係得一塊…….當然其他所謂嘅鍋都係咁嘅分量。佢有塊板俾你話紙上燒，我地叫左雞翼，牛肉，豬肉，魷魚等，不過所有肉係無調過味嘅，而且你燒嗰陣亦無俾任個調味料你，勁難食！！
我地15人，當日打去訂位話我地人數多驚我地坐得耐，要當包場，每人三百min charge，講真我覺得合理，而且一定會叫多過呢個數，當日去到已經係新年後開哂工嘅日子，但餐牌都要話收新年價！老闆娘話個價去到初十五都係新春價！
當日入去廚房得一位姐姐，樓面有一個（但原來係第一日返工😑），同埋老闆娘，佢喺我地坐底左15分鐘都無就走左，我地落order叫野個樓面乜都唔知唔清楚，其實同我地招呼自己無乜分別！
新春價餐牌酸菜魚288，羊腩煲188，胡椒豬肚鍋188，問佢呢個價分量有幾多，佢話2-3個人都食到，咁我地十幾人梗係打孖上啦！當等到個鍋黎已經係一個鐘之後，仲要唔係鍋，係一個圖中size嘅錫紙兜，應該長度係無30cm，而且呢個錫紙兜佢話已經係兩份嘅分量，即係呢兜咁細兜嘅酸菜魚（片）佢係收你差唔多六百蚊而個分量少到離哂譜！！入面嘅魚片少到我地每人只係得一塊…….當然其他所謂嘅鍋都係咁嘅分量。
佢有塊板俾你話紙上燒，我地叫左雞翼，牛肉，豬肉，魷魚等，不過所有肉係無調過味嘅，而且你燒嗰陣亦無俾任個調味料你，勁難食！！！
我地叫嘅野食大約十人分量度，但佢出左兩個鐘，啲野食都未到齊！！而且佢分量極少，我地喺咁凍嘅天氣下，兩個鐘都係餓住個肚！！我地有打過俾老闆娘講返件事，但當然佢態度亦同佢舖頭嘅質素一樣，奇差！最後我地都係嗱嗱臨走，寧願搵過第二間再食過，呢個開年飯真係食到好嬲！
最好笑喺嗰日夜晚得我地一班客，嗰晚我地睇呢度嘅食評全部都係2021年，但我地走左之後，突然多左篇好正面嘅食評，如果大家對呢間有興趣嘅，真係要好好考慮一下！但我本人一定唔會再去呢間所謂嘅食店！
$576
10 views
0 likes
0 comments
Post
