沙田頭火鍋 (Closed)

同朋友行完旺角，正當搵地方食飯，朋友話想食火鍋，知道砵蘭街有間沙田頭火鍋，湯底和食物都唔錯，咁就一於過去食火鍋。朋友喜歡食文昌雞，所以揀咗椰子文昌雞鍋做湯底，店員先將湯底上檯加熱，並將椰青水和椰肉也加入湯內，等待湯底滾起，就將另上的文昌雞放入湯內，雞熟了就可以開始先飲椰子雞湯，之後就可以食火鍋。雞湯除咗鮮甜外，還有香噴噴嘅椰子香味，文昌雞雞皮爽脆，雞肉緊實滑嫩。白鱔片好新鮮，放進鍋中輕輕焯一下已經很快熟。食落口感爽彈，味道鮮甜。手打鮮滑三拼，有牛肉、蝦、墨魚。採用新鮮材料打制而成, 味道可口，口感十分豐富，每粒丸內充滿肉汁香味。炸鮮蝦雲吞，炸雲吞香脆可口,每粒都有爽口嘅鮮蝦。食火鍋少不了汽水。