祥勝茶餐廳

Open Now

Now Closed

一條好好嘅問題，就係咩係一份邪惡嘅麵食？機緣巧合之下，朋友推介我嘗試咗呢個豬扒，午餐肉，煎蛋撈公仔麵。午餐肉，係厚切嘅，同一般平時茶餐廳食開嗰啲五香肉丁午餐肉公仔麵，薄切嘅午餐肉，係好大分別。另外，午餐肉嘅面積亦都好令人振奮，大大啖嘅午餐肉咬落去，真係回味無窮。豬扒係出色嘅，第一，雖然豬扒係好厚切，但係豬扒唔靭，咬落去亦都好有口感。再講，店主亦都有將豬扒切開，方便懶人。豬扒，係煎過嘅，熟嘅程度比一般為多，但係未至於燒焦，啱啱恰到好處。煎蛋，可能大家都識煮，但係煎燶蛋白，蛋黃仍然係流質唔容易。另外值得一提嘅係，呢個係撈公仔麵係用豉油撈嘅公仔麵，同一般湯麵好大分別，味道比一般更濃，食嘅時候亦唔需要擔心因為浸喺個汁度太耐而個麵底發脹。所以，呢個撈麵絕對稱得上一份邪惡嘅麵食。