Video
Read full review
2021-11-09
429 views
📍 𝑺𝑨𝑲𝑰𝒎𝒐𝒕𝒐 𝒃𝒂𝒌𝒆𝒓𝒚嵜本日本生吐司店呢間社交平台曝光率咁高嘅生吐司專門店，佢開張以嚟我都只係成功買過一條麵包咁大把😂😂但呢輪竟然唔洗點排，門口又有好大個ADB嘅餐牌，咁就入咗塊食喇🤣都要利申番，我今次係為ADB而嚟嘅，所以冇用一個「品嗜麵包」嘅心情去食😂但不得不提嘅係，佢哋嘅麵包係好鬆軟嘅，而且保持住一定程度嘅濕潤度，係唔烘成塊就咁食都唔會覺得乾身！個人認為都值得大家買條麵包返屋企試一次嘅👍煙三文魚All Day Breakfast第一個感覺係，擺盤幾grand。望落個vibe係幾舒服嘅。炒蛋都算夠濕潤，但唔係最滑，未覺得好有驚喜。腸同茄汁豆都係average，加工現成嘢都唔會差得去邊。Highlight都係去咗麵包同三文魚到。麵包好似我咁講，真係好soft，係靚麵粉搓出嚟嘅口感嚟，就好似坐咗喺日本cafe咁，好懷念😫jam我哋就揀咗冧酒提子味，冧酒味出嘅，冇hea到，但搽落去麵包到就怪怪哋，可能要番classic士多啤梨嗰啲會好啲。至於煙三文魚，又真係意外地幾新鮮，亦都唔重雪藏味，呢度加番分啦，整體嚟講都算不過不失。溏心蛋蛋沙律三文治先唔講味道，佢嘅份量係真唔講得少。首
呢間社交平台曝光率咁高嘅生吐司專門店，佢開張以嚟我都只係成功買過一條麵包咁大把😂😂但呢輪竟然唔洗點排，門口又有好大個ADB嘅餐牌，咁就入咗塊食喇🤣
都要利申番，我今次係為ADB而嚟嘅，所以冇用一個「品嗜麵包」嘅心情去食😂但不得不提嘅係，佢哋嘅麵包係好鬆軟嘅，而且保持住一定程度嘅濕潤度，係唔烘成塊就咁食都唔會覺得乾身！個人認為都值得大家買條麵包返屋企試一次嘅👍
煙三文魚All Day Breakfast
第一個感覺係，擺盤幾grand。望落個vibe係幾舒服嘅。炒蛋都算夠濕潤，但唔係最滑，未覺得好有驚喜。腸同茄汁豆都係average，加工現成嘢都唔會差得去邊。Highlight都係去咗麵包同三文魚到。麵包好似我咁講，真係好soft，係靚麵粉搓出嚟嘅口感嚟，就好似坐咗喺日本cafe咁，好懷念😫jam我哋就揀咗冧酒提子味，冧酒味出嘅，冇hea到，但搽落去麵包到就怪怪哋，可能要番classic士多啤梨嗰啲會好啲。至於煙三文魚，又真係意外地幾新鮮，亦都唔重雪藏味，呢度加番分啦，整體嚟講都算不過不失。
溏心蛋蛋沙律三文治
先唔講味道，佢嘅份量係真唔講得少。首先有出面嘅麵包，雖然佢係就咁食都好好食，但覺得三文治都係烘底嘅好食啲，白麵包感覺清咗啲。但蛋沙律係要讚嘅，一般坊間食嘅蛋沙律係勁多醬，淨係用醬塞飽人估肚。但呢度啲蛋同沙律醬比例係剛剛好，食到甜味之餘都保番咗蛋香，唔錯🤤不過佢再加多每邊半隻嘅溏心蛋感覺就太extra了，食完有個感覺未來一個月都唔想再食蛋😂😂
Post
