Video
Read full review
2011-10-18
2219 views
新加坡有同學黎香港，同佢行下食下…到晚上…問佢有咩想食，佢話想食燒肉向亞士厘道真係得佢有燒肉，但我平時食下午茶同早餐多…都覺貴貴地…但見有朋自遠方來…無咩所謂啦因為我個時知道自己唔餓…唔會食好多野…都係就佢就可以等位0分鐘係因為入到去根本就無咩人…得一兩檯人…好似包場咁同學睇左一陣menu…佢望下menu之後都話真係好貴…佢新加坡食開野其實一般有小菜＄40～＄50一個送既餐廳佢覺得平會一個人叫2～3個送因為d價錢俾酒樓更貴！！真係唔係呃你…我無影低相因為覺得唔係好值得影d菜式…（流浮山炒飯）好似要＄88蚊～呢個價其實唔係好貴…但當黎到之後其實只係夠一個人食…仲要所謂（流浮山炒飯）只係加左小蝦仁（係小的…）同蔥，蛋…既炒飯…我開頭以為會有蠔豉之類的…點知無…我決定另外叫個白飯…個炒飯同學仔一個食晒算…再加上佢炒得一d都唔想令我去食…睇落好油…但d飯粒又好似好乾…我就咁睇都好似好硬咁（燒肉拼差燒）…差燒唔知點解個師傅切到好大塊但薄的…唔係平時見開個d有厚度既，但d肉好un…可以肯定唔係梅頭…仲要無咩味燒肉唔錯…個皮都仲脆…但好咸下…我要點砂糖食先中和到…仲話明爐燒味…但唔記得幾錢…呢個算係
向亞士厘道真係得佢有燒肉，但我平時食下午茶同早餐多…都覺貴貴地…但見有朋自遠方來…無咩所謂啦
因為我個時知道自己唔餓…唔會食好多野…都係就佢就可以
等位0分鐘係因為入到去根本就無咩人…得一兩檯人…好似包場咁
同學睇左一陣menu…佢望下menu之後都話真係好貴…佢新加坡食開野其實一般有小菜＄40～＄50一個送既餐廳佢覺得平會一個人叫2～3個送
因為d價錢俾酒樓更貴！！真係唔係呃你…我無影低相因為覺得唔係好值得影
d菜式…
（流浮山炒飯）好似要＄88蚊～呢個價其實唔係好貴…但當黎到之後其實只係夠一個人食…仲要所謂（流浮山炒飯）只係加左小蝦仁（係小的…）同蔥，蛋…既炒飯…我開頭以為會有蠔豉之類的…點知無…我決定另外叫個白飯…個炒飯同學仔一個食晒算…再加上佢炒得一d都唔想令我去食…睇落好油…但d飯粒又好似好乾…我就咁睇都好似好硬咁
（燒肉拼差燒）…差燒唔知點解個師傅切到好大塊但薄的…唔係平時見開個d有厚度既，但d肉好un…可以肯定唔係梅頭…仲要無咩味
燒肉唔錯…個皮都仲脆…但好咸下…我要點砂糖食先中和到…仲話明爐燒味…但唔記得幾錢…呢個算係成晚我會用黎送飯…
（腐乳炒通菜）…＄68 好大碟～真係好大碟～唯一一碟食唔晒既野！但有泥味…d菜莖根唔中有d有黑黑…腐乳味都唔錯…但食食下d泥味開始濃…所以無咩點食了
（例湯）一鍋 ＄108（咁上下）…但我見到即刻無叫…因為真係貴過酒樓。同埋知道一定唔好飲得去邊
叫左一人一碗 ＄15蚊
無味…我可以肯定同lunch既一樣…
之後同學叫左一杯熱飲係要＄18蚊…之後因為太甜叫經理加熱水個水吧叔叔仲探個頭出黎望
但我記得埋單係埋左＄3x8
茶餐廳食＄3xx唔出奇…兩個人食就有少少出奇…但兩個人仲要其中一個根無咩點食野就好奇…
仲要收加1
佢俾左咩服務我呀？ 埋單都仲要自己出去埋…咁樣收我加1？
我見佢成個場咁少人我真係有一下子覺得自己入左黑店…但同學想食燒肉…又唔想行（外面落雨）所以先留向度…
＄3x8 唔係俾唔起…但會肉赤因為食d咁既野同向d咁既地方！！！！之後幾日我地都一齊飲飲食食…好食過佢又平過佢既都遇過幾間了…所以條氣先唔係順…上黎打個食評
尖沙咀租貴我知我亦明…咁你選址唔好向黃金地段啦
有最低工資28蚊後令開支上漲…都明…咁你盡量善用員工將成本變效益啦
來料成本加價…都明白…咁你將食物質素提高令銷量增長咁咪可以入多貨之餘又賣多啦
真係可一不可再！
每人hkd 200係因為我根本無咩食過野…所以balance返個數…
Post