Sodam Chicken (Closed)

名過其實食過依間炸雞放題，都唔知D好評係咪買返黎。D炸雞全部粉多過肉，幾乎全部我第一口咬上去都係粉，食唔到肉。唔同口味既炸雞只係換左唔同既醬淋上去，大部份口味炸雞幾乎一樣，好快就好膩。其中一個芝士咪炸雞真係印象深刻，撒左幾下芝士粉係上面就係芝士炸雞，又真係吹你唔漲。小食叫左個乾拌海帶，黎到以為食緊碗仔翅，一大團醬撈埋D海帶。出餐又慢，去到頂唔順買單個陣，仲要發現漏上左樣菜，我個下真係好感恩，唔洗食多樣垃圾，但同時都驚個廚房一陣醒起上俾我，真心救命。依間野可一不可再。