鼎皇臭臭鍋 (Closed)

平時都好少寫食評，但今次真係好差。一準備坐低，已經有好多蚊滋飛嚟飛去。跟住坐咗一陣準備嗌嘢食，突然發現隔離有隻唔知喺邊度嚟勁大隻反咗肚重識郁嘅曱甴，嚇到我即刻彈起， 跟住個職員將隻曱甴掃落地踩死咗當冇事發生。跟住啲嘢食已經唔係好得， 杯嘢飲直情係冇味。成程飯都有啲蚊滋飛來飛去。啲職員態度唔友善又冇禮貌，木口木面，咁都算啦，終於食完，個職員黎收野，一拎起個盤，撞低咗成杯野淋左落個friend度，跟住個職員講左幾下唔好意思，我哋就埋單走人。絕對冇下次!!!