Video
Read full review
2020-12-12
1213 views
銀芽肉絲炒麵($50)而家係茶餐廳都好少搵到呢味傳統廣東麵食, 要整得好食真係唔容易, 個麵係成件事既重點😍 鐘意食脆卜卜麵既朋友真係唔可以錯過, 佢既銀芽肉絲都整得好好食, 個芡汁既”杰”度啱啱好, 大量既芽菜同肉絲配埋個麵, 又脆又軟又爽口🤤生炒雞絲飯($50)唔好睇佢好似細細碟咁, 食落其實都幾飽肚嫁🤰🏾 啲飯炒到粒粒乾身完全係我鐘意既口感, 味道好好唔會好濃味, 配料既份量都好足料👍🏽拔絲焗鴛鴦扒飯($69)萬眾其待既焗飯💁🏾♀️ 鴛鴦既意思係茄汁豬扒加葡汁雞扒🐓 滿滿既醬汁加芝士舖左係啲肉上面, 最底既就係炒過既飯🍚 兩個汁都整得好好味, 特別係個葡汁真係整得好有風味😋 兩個汁撈埋一齊又係另一種風味, 呢個飯驚喜無限🤩黑椒汁雞扒飯($50)是日午餐既A餐📝 呢個飯最有趣既地方就係會跟兩條菜芯🥬 個汁好重黑椒味, 辣辣地再配埋煎過既嫩滑雞扒同白飯真係好滿足😌以上全部都係跟一碗紅湯或中湯🥣 啲湯全部都好大碗, 紅湯即係羅宋湯夠曬辣而且啲湯料都幾多, 胃口細啲飲完都可能飽左😂 中湯果日就係青紅蘿蔔煲豬骨, 個湯好有住家湯既味道, 飲落完全唔味精😃呢間茶餐廳夠曬乾淨企理, 每枱都會有
銀芽肉絲炒麵($50)而家係茶餐廳都好少搵到呢味傳統廣東麵食, 要整得好食真係唔容易, 個麵係成件事既重點😍 鐘意食脆卜卜麵既朋友真係唔可以錯過, 佢既銀芽肉絲都整得好好食, 個芡汁既”杰”度啱啱好, 大量既芽菜同肉絲配埋個麵, 又脆又軟又爽口🤤
生炒雞絲飯($50)
唔好睇佢好似細細碟咁, 食落其實都幾飽肚嫁🤰🏾 啲飯炒到粒粒乾身完全係我鐘意既口感, 味道好好唔會好濃味, 配料既份量都好足料👍🏽
拔絲焗鴛鴦扒飯($69)
萬眾其待既焗飯💁🏾♀️ 鴛鴦既意思係茄汁豬扒加葡汁雞扒🐓 滿滿既醬汁加芝士舖左係啲肉上面, 最底既就係炒過既飯🍚 兩個汁都整得好好味, 特別係個葡汁真係整得好有風味😋 兩個汁撈埋一齊又係另一種風味, 呢個飯驚喜無限🤩
黑椒汁雞扒飯($50)
是日午餐既A餐📝 呢個飯最有趣既地方就係會跟兩條菜芯🥬 個汁好重黑椒味, 辣辣地再配埋煎過既嫩滑雞扒同白飯真係好滿足😌
以上全部都係跟一碗紅湯或中湯🥣 啲湯全部都好大碗, 紅湯即係羅宋湯夠曬辣而且啲湯料都幾多, 胃口細啲飲完都可能飽左😂 中湯果日就係青紅蘿蔔煲豬骨, 個湯好有住家湯既味道, 飲落完全唔味精😃
呢間茶餐廳夠曬乾淨企理, 每枱都會有消毒啫喱俾你消毒, 做足防護措施👍🏽 食物質素完全對得住個價錢, 飲曬成碗湯隔左陣都唔覺得口渴, 係香港黎講好難得, 有機會既話會再幫襯😚
Post
