舍 (Closed)

祝大家兔年快樂，身體健康❤️🧧臨近新年，吾知大家諗定去邊到食團年飯味呢？屋企人提早慶新年🎊，選址位於IFC三樓既新派餐廳「SHÈ 舍」，穿過連卡佛就到餐廳🍴。餐廳行大自然風，用上木系顏色，配以大紅色沙發🛋️，雲石枱，盡顯矜貴，用色大膽，比較「新派」。更設有房外雅座，欣賞維港醉人景色。SHÈ 舍❣️ 主打加入時尚元素嘅傳統中國菜餚，剛好有最新「冬日鍋心選」，有羊腩煲、陳村粉，連鮑魚花膠煲都有得食。店員有禮，一入座呈上茉莉菜，暖暖身體，呷一口味道甘甜，氣味芳香。餐廳仲有酒類飲品提供，不過我地飲兩杯鮮榨橙汁🍹過下癮算。蠔皇北菇鮑魚花膠煲：過年🧨點少得鮑魚花膠。用上陶瓷煲呈菜時保溫，大大隻鮑魚扣上香濃鮑魚汁，有咬口得黎又吾會太硬，炆得入味焾身。花膠用上鱈魚膠，做到掛汁效果，用刀叉切黎食，補充骨膠原。花菇肥大肉厚，花紋十分明顯，肉質爽滑而是菇身香味芳香。生炒臘味糯米飯：冬日暖胃首選，用上頂級臘腸，瑤柱，冬菇和蝦乾，臘味陣陣香，很有寒天的氣息，調味不會過咸，米粒做到不油膩而帶軟糯，色澤均勻，略帶冬菇香氣，其功架盡顯，令人一口接一口。總結：醉人維港景配特色中菜環境舒適 用餐氣氛一流