A-1 Bakery & Châteraisé (Closed)

有一日我約咗兩個朋友去打保齡球點知朋友a就以為上佢屋企就唔會打保齡球， 但係朋友b就以為上完佢屋企再去打保齡球。我就覺得上朋友a屋企呢就有啲無聊因為我住附近， 咁就諗住朋友b去完a度 就可以同我去打保齡球。點知朋友b去到就提議不如唔好打保齡 就咁去朋友a屋企玩下紙牌遊戲。 我心諗你係咪玩嘢呀， 約好咗而家放我飛機 仲搞到我冇得打保齡球，你過唔過份啲呀。B去完a屋企之後，同我去打保齡球跟住就同我講原來朋友a預備咗一個小小嘅生日蛋糕補祝我同朋友b嘅生日。最後朋友a帶埋個蛋糕過嚟搵我哋， 我哋又搵唔到地方砌， 又話唔想行返上朋友a屋企砌。事關我哋晚上去旺角食飯，於事去咗新世紀廣場嘅 food court砌。個蛋糕的而且確係好細件我哋三個人share， 我唔使十秒就食完啦。但呢個蛋糕爭啲搞到我冇得打保齡球，而且又要頻撲喺邊度食，就像魔鬼在細節般的條款纏繞你。我未食過一件製造咁多麻煩嘅蛋糕，我都唔知點多謝佢好。個蛋糕係好似綠茶紅豆， 味道ok口感鬆軟好有彈力好似紙包蛋糕咁。 但奉勸各位年紀大嘅讀者 唔好為咗製造咩生日驚喜，而隱瞞準備咗蛋糕。 因為當中嘅蝴蝶效應實在難以想像！