無名炭爐雞蛋仔 (Closed)

近來勁鍾意食格仔餅，可惜一直未試過炭爐製，知道牛頭角下邨就黎拆，再唔黎試就後悔喇。去到九龍灣落車，先發覺無記低個地址，唔理三七廿一，走去牛頭角下邨既出口先。點知一路行一路都見到唔少人拎住雞蛋仔/格餅，我地就沿住呢d途人比我地既hint黎行排隊既時候已經聞到陣陣炭爐獨有既味道，真係令人興奮。見到哥哥仔手起叉落括括括，括走模具邊邊既蛋漿，唔駛一分鍾就已經整好一個。同朋友仔share一個格餅哥哥勁好人，早就預備細牛皮紙袋，方便d人share時一人一個袋。讚!未試過無奶而用上沙糖既格仔餅，食時feel到一粒粒，有口感，幾得意。而且很有蛋香，希望呢檔唔會因屋邨重建而無啦...