就是偏偏喜歡你 (Moved) New Location

一心諗住同女朋友去Kuromi麵店潮聖點知6點鐘已經話要截龍冇得食😰只好臨時睇吓附近有咩好嘢食啦～一㩒就見到附近有依間熱店推介二話不說即刻行過嚟開餐！嚟到門口大大隻字「就是偏偏喜歡你」已經好有打卡feel 😍入到舖頭，彷如置身花海嘅感覺，好靚！女友表示好滿意，最後揀左個鳥籠座位。店員好nice亦好主動幫我哋影相，仲教埋我哋點樣擺pose添😂食物方面質素都唔錯幾好味😋不過價錢就相對貴D⋯意大利菜湯⭐️⭐️⭐️⭐️多雜菜，幾香唔辣，唔錯熱情果梳打⭐️⭐️⭐️⭐️甜甜酸酸幾醒胃粉紅朱古力⭐️⭐️普通朱古力味冇乜特別，勝價比低海蝦意粉⭐️⭐️⭐️⭐️蝦夠新鮮，爽口彈牙。意粉有𡁻口，蕃紅花絲添加香味👍🏻豬肋骨⭐️⭐️⭐️⭐️⭐️肉好夠腍，醬汁香濃，輕鬆切開好惹味！