利寶會館

Open Now

Now Closed

利寶會館鄰近蘭桂坊，係一間環境優雅，提供多間包廂嘅優質粤菜中餐廳，深受附近嘅上班人士喜愛，點咗嘅"那些年懷舊經典菜式套餐"$328一位,兩位起叫，更係坊間少見嘅懷舊菜式🤩🤩😄😁😁🦐燒雲腿玻璃蝦🦐玻璃蝦球爽彈鮮甜， 擺盤精緻，好似一朵玫瑰咁， 可配上鹹鮮金華火腿或沾上鮮香蝦醬，後者更能帶出蝦球鮮香🐚奇妙醬螺片🐚奇妙醬酸甜之中帶點芥末醬嘅刺激，螺片爽脆鮮嫩，同醬汁相輔相成，亦可配上火龍果配菜一齊食，更為清新可口🐟生拆黃魚羹🐟經典嘅順德菜之一，師博已經將黃魚起骨拆肉， 每一啖都食到黃魚蓉，配合紅蘿蔔木耳絲等爽脆配料， 好味🐥古法生扣鴛鴦雞🐥雞肉滑嫩入味， 配上春筍，蒜頭等配料，相當惹味， 以公雞碗上菜，懷舊感十足🦆鴨汁津菜包🦆津菜包包住各款菇菌，口感相當豐富， 帶有鴨香味嘅鴨汁提昇整道菜嘅香氣，有心思嘅手工菜🍛砂鍋鮑魚雞粒飯🍛鮑魚幾大隻，入味Q彈，鮑魚汁撈埋乾身嘅米飯，再配上雞粒，瑤柱絲，菜芯粒，葱花等味道層次豐富，香氣四溢🥛生磨蛋白杏仁茶🥛杏仁茶潤滑香濃，唔會好甜，配上好細粒嘅蛋白，係相當滋潤嘅飯後甜品🍡雞仔餅，山渣卷，黑芝麻卷🍡同樣表現不俗，尤以山渣卷有驚喜，酸甜山渣卷口感似豬腸粉，軟糯