kikusan

Open Now

Now Closed

中午同同事黎食午餐。呢間餐廳一直都好滿，我地12:10分黎到都等左20分鐘。依間餐廳就算我平時放工去，都要排隊。可能因為置地啲餐廳普遍都好貴，呢間餐廳性價比相對高。我哋叫咗三個主菜同兩個點心一齊食。點心叫左小籠包同煎素餃。餃子好大隻，餡料好多，煎得好靚，脆身。包左好多蔬菜，唔油又健康。平時夜晚黎食嘅，我會叫多少少小食，如清酒雞，糖醋骨，都幾好食。通常我都係叫串燒飯或者豬排擔擔面。今日第一次試新野，要咗豚肉野菜咖喱飯。豚肉係五花腩，但可能煮得耐，好乾同幾鞋身。野菜有幾款，包括苦瓜，蘆筍，茄瓜，西蘭花，樣樣有啲。同事就叫左香辣肉碎溫泉蛋飯。幾香口。仲有南瓜豚肉溫泉蛋烏冬。