新沙洞澡堂 (Closed)

本身諗住去一間都係長沙灣，最近重新裝修嘅cafe，已經特登提早去，只係比佢開門時間遲咗15分鐘去到姐，已經好多人係門口排哂隊🫠 因為想影下啲環境相但係咁多人真係冇辦法影，唯有臨時轉地點，醒起呢間舖頭都係長沙灣附近，我之前好早就有諗過去不過都係唔記得咗，今次記得就今次去啦🤣！呢間有段時間都幾出名，主題幾特別，以韓式澡堂為藍本去裝修～有好多打卡位📸岩哂鍾意影相既女仔去🥰✎ 泡菜豬肉拌飯 小菜有辣辣地、又有少少鹹嘅醃制蘿蔔條同類似小黑豆嘅食材，另外仲有一細碗韓國嘅甜辣醬。個飯入面有芽菜、菠菜、紫菜、豬肉同泡菜，呢幾款菜都幾爽口，幾新鮮，泡菜小小辣，而飯粒粒分明，都有咬口、彈性煙靭，豬肉食落小小濕潤，易入口！✎ 泡菜豆腐年糕湯 湯夠辣，但係辣得黎好似有少少苦味🤔豆腐唔係滑豆腐，係表皮有少少鞋個種，個人鍾意滑身啲。年糕薄切，個份量都幾多。反而整體個湯嘅材料有啲少，唔夠一個午餐份量😂食唔飽，加個辛辣麵就差唔多🤣✎ 凍榛子鮮奶咖啡 幾多冰下，唔濃唔淡既榛子味。✎ 玫瑰梳打特飲 淡淡花香，加梳打味，整體味道清甜。