Video
Read full review
2022-02-22
2478 views
位於「和昌大押」既全新高級粵菜「和昌飯店」係去年12月隆重登場！近期推出「招牌點心套餐」，讓客人可以以一個優惠/可負擔既價錢，細嚐飯店招牌點心，同時亦可以透過唐樓露台，觀賞城市風景，度過悠閒下午！-和間飯店平時一籠點心大約$58-98起跳，但今次佢地最新推出既 Tasting Menu，$338 一位就可以食到9款特色點心，當中亦好全面概括「蒸、焗、煎、炸」既點心，同時仲包酒水或茗茶，照顧周到，加埋置身係百年古蹟，全新古色古香既活化裝潢，真係食得過！-✍🏻/食評/>> 蒸 << ☗ 雨前龍井蝦餃將切碎龍井茶葉加入蝦餃皮同餡料入面，蝦仁爽脆可口，皮薄軟糯，但唯獨茶味不濃，確實有點失色！☗ 蟹籽肉丁 鮮蝦燒賣蟹籽同鮮蝦層次分明，正常發揮！>> 焗 << ☗ 鴛鴦檸香叉燒酥 叉燒酥造型好靚！師傅用上甘草檸檬、黃檸檬、青檸提味，所以食落帶檸香味，可減低叉燒油膩感！☗ 迷你菠蘿包菠蘿皮香脆，麵包口感濕潤軟綿，中間夾著厚厚一層法國有鹽牛油，倍感邪惡～>> 煎 << ☗ 冬陰功海鮮生煎包冬陰功相當有辣勁，
-
和間飯店平時一籠點心大約$58-98起跳，但今次佢地最新推出既 Tasting Menu，$338 一位就可以食到9款特色點心，當中亦好全面概括「蒸、焗、煎、炸」既點心，同時仲包酒水或茗茶，照顧周到，加埋置身係百年古蹟，全新古色古香既活化裝潢，真係食得過！
-
✍🏻/食評/
>> 蒸 <<
☗ 雨前龍井蝦餃
將切碎龍井茶葉加入蝦餃皮同餡料入面，蝦仁爽脆可口，皮薄軟糯，但唯獨茶味不濃，確實有點失色！
☗ 蟹籽肉丁 鮮蝦燒賣
蟹籽同鮮蝦層次分明，正常發揮！
>> 焗 <<
☗ 鴛鴦檸香叉燒酥
叉燒酥造型好靚！師傅用上甘草檸檬、黃檸檬、青檸提味，所以食落帶檸香味，可減低叉燒油膩感！
☗ 迷你菠蘿包
菠蘿皮香脆，麵包口感濕潤軟綿，中間夾著厚厚一層法國有鹽牛油，倍感邪惡～
>> 煎 <<
☗ 冬陰功海鮮生煎包
冬陰功相當有辣勁，口感惹味，建議可以放到最後先食～
>> 炸 <<
☗ 日本蘿蔔手作千絲酥
賣相雖然平平無奇，但酥皮用薯蓉做，食落酥脆帶薯香，蘿蔔絲絲，入口即溶。
☗ 荔芋鳳尾蝦
金黃精緻造型，蝦肉同芋蓉融合，口感豐富
>> 腸粉 <<
☗ 和昌叉燒腸粉
簡單不花巧，腸粉滑嫩
>> 粉麵 <<
☗ 薑蔥鮑汁蝦籽撈粗麵
薑蔥蝦籽味重，鹹香十足，粗麵幾有鹼水香～
>> 甜品 <<
☗ 公利蔗汁卷
清甜微香蔗汁卷，Q彈有嚼勁。
>> 另加 <<
☗ 和昌炭燒叉燒 $398
【需於 24 小時前預訂】另外加多了一份炭燒叉燒，選用每隻豬只有兩塊既梅頭肉，以最原始炭燒方法，燒至外焦內嫩，配上「和昌飯店」的秘製醬汁，叉燒肥瘦相間，份外甘香惹味！值得一試～
>> 茗茶 <<
☗ 有機沉香茶
茶色呈琥珀色，香氣四溢，入口甘甜溫潤，抗氧化性強，具安神助眠功效。
☗ 小青柑宮廷普洱
柑香純正、甜醇的小青柑普洱，可消食解膩
-
招牌點心套餐 HK$ 338 p.p
包括一杯指定雞尾酒、支裝啤酒、指定餐酒、或精品茗茶一位
供應時間：逢星期一至五 11:00-18:00
Post
